- ఆటోమేటిక్ డ్రైవింగ్ టెస్ట్కు ఆర్టీఏ సన్నాహాలు
- ప్రస్తుత మాన్యువల్ పద్ధతికి ఇక చెక్
- టెస్ట్ వివరాలు కంప్యూటరైజేషన్ చేయాలని నిర్ణయం
- నిబంధనలకు అనుగుణంగా డ్రైవింగ్ చేస్తేనే లైసెన్స్జారీ
హైదరాబాద్, వెలుగు: గ్రేటర్ హైదరాబాద్పరిధిలో డ్రైవింగ్ లైసెన్స్ జారీ ప్రక్రియను ఆధునీకరించాలని ఆర్టీఏ అధికారులు నిర్ణయించారు. ప్రస్తుతం కొనసాగుతున్న విధానం కంటే మరింత ప్రామాణికంగా డ్రైవింగ్ టెస్ట్లు నిర్వహించాలని యోచిస్తున్నారు. ఇందుకోసం ఆటోమేటిక్ డ్రైవింగ్ టెస్ట్నిర్వహించేందుకు ఆర్టీఏ అధికారులు సన్నాహాలు చేస్తున్నారు. ఈ కొత్త పద్ధతిలో రహదారులపై నిత్యం ఎదురవుతున్న వివిధ రకాల ఇబ్బందులను టెస్ట్ ట్రాక్పై కృత్రిమంగా కల్పిస్తారు.
దీంతో టెస్ట్ డ్రైవింగ్కు వచ్చేవారు దొడ్డిదారిలో లైసెన్స్పొందడం ఇక కుదరదని అధికారులు అంటున్నారు. అలాగే, లైసెన్స్ కోసం దరఖాస్తు చేసుకున్న వారు తప్పని సరిగా టెస్ట్ రాయాల్సిందేనని చెప్తున్నారు. డ్రైవింగ్లో బాగా శిక్షణ తీసుకుని నైపుణ్యంతో టెస్ట్లో పాసైన వారికే లైసెన్స్జారీ చేయనున్నట్టు అధికారులు తెలిపారు.
దొడ్డిదారిలో లైసెన్స్ పొందే వారికి చెక్
ప్రస్తుతం యువకులు, మహిళలు, వ్యాపారులు, ఉద్యోగులు ఇలా అన్ని రకాల వారు వాహనాలు నడుపుతున్నారు. చాలా మంది ఎలాంటి టెస్ట్లు లేకుండా హాయిగా లైసెన్స్ ఇంటికే రావాలనుకుంటున్నారు. దీని కోసం అడ్డదారులు తొక్కుతున్నారు. సాధారణంగా డ్రైవింగ్ లైసెన్స్పొందాలంటే నెల రోజుల పాటు డ్రైవింగ్స్కూళ్లలో శిక్షణ పొందాలి. ఆ తర్వాత ఆర్టీఏకు లైసెన్స్ కోసం దరఖాస్తు చేస్తే వారు పెట్టే పరీక్షలో పాసైన వారికి తాత్కాలిక లైసెన్స్ జారీ చేస్తారు. ఆరు నెలల తర్వాత ఆర్టీఏ కార్యాలయాల్లోని టెస్ట్ డ్రైవింగ్ ట్రాక్లో వాహనాలను నడిపి చూపిస్తేనే శాశ్వత లైసెన్స్ ఇస్తారు. కానీ, ఇక్కడే బ్రోకర్లు, ఆర్టీఏ సిబ్బంది రంగ ప్రవేశం చేసి టెస్ట్లో ఫెయిల్ కాకుండా మేనేజ్ చేస్తున్నారు.
కొన్ని సందర్భాల్లో డ్రైవింగ్టెస్ట్లో సరిగ్గా వాహనాలను నడపక పోయినా కొందరు అధికారులను మేనేజ్చేస్తే లైసెన్స్ ఇచ్చేస్తున్నారు. దీంతో డ్రైవింగ్ లో పూర్తి నైపుణ్యం లేని వారికి కూడా లైసెన్స్లు జారీ అవుతున్నాయి. ఇలా లైసెన్స్లు పొందిన వారివళ్లే చాలా వరకు యాక్సిడెంట్లు అవుతున్నాయి. అయినప్పటికీ ఈ విషయాన్ని ఆర్టీఏ అధికారులు పెద్దగా పట్టించుకోవడం లేదన్న ఆరోపణలు ఉన్నాయి. ఇలాంటి పద్ధతికి స్వస్తి పలకాలని, డ్రైవింగ్లో నైపుణ్యం ఉన్నవారే లైసెన్స్ పొందే విధంగా ఉన్నతాధికారులు చర్యలు తీసుకుంటున్నట్టు తెలిపారు.
కొత్త పద్ధతి ఎలా ఉంటుందంటే..
కొత్తగా అమలు చేయబోయే ఆటోమేటిక్ డ్రైవింగ్టెస్ట్లో ఐదు రకాల ట్రాక్లను ఏర్పాటు చేస్తారు. హెచ్ అనే ట్రాక్లో ఆర్టీఏ ప్రమాణాలలో పేర్కొన్న విధంగా వాహనాన్ని రివర్స్చేయాలి. అలాగే, ఎస్ అనే ట్రాక్లో ఒక మూల నుంచి మరో మూలకు వెహికల్ను టర్న్చేయాలి. కె అనే ట్రాక్లో బాగా మలుపులు, ఎత్తుపల్లాలు, ఎత్తయిన ప్రదేశాలు, చిన్న లోయలు వంటి ప్రాంతాల్లో ఏర్పాటు చేస్తారు. వాటిలో వాహనాన్ని నడపాలి. చివరగా బండిని పార్కింగ్ చేసి చూపించాల్సి ఉంటుంది.
అలాగే, ట్రాఫిక్ నిబంధనల ప్రకారం టూ వీలర్స్ హెల్మెట్, ఫోర్వీలర్స్ సీటు బెల్ట్ పెట్టుకోవాలి. ఈ ప్రక్రియ అంతా కంప్యూటర్లో నమోదు చేసి ఉంటుంది. లైసెన్స్కోసం వచ్చిన వారు ట్రాక్పై వాహనాన్ని నడిపేటప్పుడు ఎలాంటి పొరపాట్లు చేసినా కంప్యూటర్లో నమోదవుతుంది. దీంతో టెస్ట్లో ఫెయిల్అయినట్టు చూపిస్తుంది. ఆ తర్వాత మరో నెల రోజుల పాటు ట్రైనింగ్తీసుకొని రమ్మంటారు. పూర్తిగా కంప్యూటరీకరణ వల్ల ఇక్కడ అధికారులను, సిబ్బందిని మేనేజ్చేసేందుకు అవకాశం ఉండదని అధికారులు తెలిపారు. అలాగే, బ్రోకర్లకు కూడా అవకాశం ఉండదని చెప్తున్నారు.
