- ఈ నెల22 నుంచి ఉద్యోగుల రిజిస్ట్రేషన్ ప్రక్రియ ప్రారంభం
హైదరాబాద్, వెలుగు: సెక్రటేరియెట్ ఉద్యోగుల పనితీరు, భద్రతను మెరుగుపరిచేందుకు రాష్ట్ర ప్రభుత్వం ఫేషియల్అటెండెన్స్ను తీసుకురావాలని నిర్ణయించింది. దీంతో ఇప్పటిదాకా ఉన్న రిజిస్టర్లలో సంతకం చేసే పద్ధతికి ఇక ఎండ్ కార్డ్ పలకనుంది.
సర్క్యులేటింగ్ ఆఫీసర్లు, ఔట్సోర్సింగ్ ఉద్యోగులతో పాటు ప్రతి ఒక్కరి అటెండెన్స్ను ఇకపై ఫేషియల్ రికగ్నిషన్ సిస్టమ్ ద్వారానే నమోదు చేయాలని పేర్కొంటూ మంగళవారం సీఎస్ శాంతి కుమారి ఉత్తర్వులు జారీ చేశారు. ఈ నెల 22 నుంచి ఉద్యోగుల ఫేషియల్ ఐడెంటిటీ రిజిస్ట్రేషన్ ప్రక్రియను చేపడతామన్నారు.
శాఖలవారీగా ఉద్యోగులు, అధికారులకు మెసేజ్ ద్వారా రిజిస్ట్రేషన్ డేట్, టైమ్, స్లాట్వివరాలను పంపిస్తామన్నారు.
