కామారెడ్డి మాస్టర్ ప్లాన్ వ్యవహారంలో కొత్త అనుమానాలు

రైతులు ఆందోళనలు చేస్తున్నా స్పష్టత ఇవ్వని ప్రభుత్వం
డీటీసీపీ , కన్సల్టెన్సీ సంస్థ ప్లాన్మార్చడంతోనే సమస్య అంటున్న ఎమ్మెల్యే
వారికేం సంబంధమంటూ అనుమానం వ్యక్తం చేస్తున్న రైతులు
అభిప్రాయాలు తీసుకోకుండానే ‘ప్లాన్’ చేశారంటున్న కౌన్సిలర్లు
డ్రాఫ్ట్ ప్లాన్పై అభ్యంతరాలకు రేపటి వరకు గడువు

కామారెడ్డి, వెలుగు: కామారెడ్డి మాస్టర్ ప్లాన్ వ్యవహారంలో ప్రస్తుతం కొత్త అనుమానాలు వ్యక్తమవుతున్నాయి. మాస్టర్ ప్లాన్ ఫైనల్ కాలేదని, అది డ్రాఫ్ట్ మాత్రమేనని అధికారులు చెప్తూ రాగా .. కౌన్సిల్ నుంచి పంపిన ప్లాన్ను డీటీసీపీ, కన్సల్టెన్సీ వాళ్లు మార్చారని ఎమ్మెల్యే గంప గోవర్ధన్ చెప్పడ్ గందర గోళానికి కారణమవుతోంది. బల్దియా ప్రపోజల్స్ను వాళ్లెందుకు మార్చారన్న ప్రశ్నలు వినిపిస్తున్నాయి.

ఇది డ్రాఫ్ట్ మాస్టర్ ప్లాన్ మాత్రమేనని, అభ్యంతరాలు చెప్పవచ్చునని కలెక్టర్ జితేశ్వి పాటిల్ పేర్కొంటుండగా, మాస్టర్ప్లాన్ను రూపొందించే టైమ్లో క్షేత్ర స్థాయిలో ప్రజలు, రైతుల అభిప్రాయాలు తీసుకోలేదని, కౌన్సిల్లో తీర్మానం చేసిన విషయం కూడా తమకు తెలియదని పలువురు కౌన్సిలర్లు చెప్తున్నారు. మాస్టర్ ప్లాన్లో తప్పిదాలకు కారకులు ఎవరు? తప్పెక్కడ జరిగింది? చెప్పాలని రైతులు డిమాండ్ చేస్తున్నారు. కామారెడ్డి టౌన్తో పాటు, విలీన గ్రామాలను కలుపుకొని కొత్త మాస్టర్ప్లాన్ రూపొందించారు. సాధారణంగా ప్లాన్ రెడీ చేసేటప్పుడు క్షేత్ర స్థాయిలో పరిశీలన చేయాలి. కౌన్సిలర్లు, పట్టణ ప్రముఖులు, ఆయా వర్గాల ప్రజలతో చర్చించాలి. కానీ ఇక్కడ అలాంటిదేమీ చేయలేదు. 2019లో మాస్టర్ ప్లాన్పై ఓ మీటింగ్ జరిగినట్లు చెబుతున్నారు. 2001లో కౌన్సిల్ తీర్మానం చేసి ఉన్నతాధికారులకు పంపారు. మాస్టర్ ప్లాన్ రూపొందించే పనులు ఢిల్లీకి చెందిన డీడీఎఫ్( డిజైన్ డెవలప్మెంట్ ఫోరమ్) కన్సల్టెన్సీకి అప్పగించారు.

అవగాహన కల్పించటంలోనూ విఫలం

టౌన్ పరిధిలో 3,412 ఎకరాల ప్రభుత్వ భూము లున్నాయి. ఇందులో కొంత మేర ప్రభుత్వ సంస్థల కు కేటాయించారు. సదరు భూములను ఇండస్ర్టియల్, రీక్రియేషన్ జోన్గా చూపకుండా ప్రైవేట్ భూములను ఇండస్ర్టియల్ జోన్గా చూప డం రైతుల్లో ఆందోళనకు కారణమైంది. ప్లాన్ ఏరియాలో 7 నుంచి 9 శాతం ఇండస్ర్టియల్ జోన్గా అంటే 1200 ఎకరాలు చూపెట్టాలి. అడ్లూర్, ఇల్చిపూర్, టెకిర్యాల్ , అడ్లూర్ఎల్లారెడ్డి రైతులకు చెందిన 900 ఎకరాల భూమి ఉంది. ఈ భూములన్నీ ఏడాదికి 2 పంటలు పండే భూములు. టౌన్కు అతి దగ్గర, హైవే పక్కన ఉన్నాయి. ఇండస్ర్టియల్ జోన్గా చూపెట్టడంతో భూముల విలువ తగ్గుతుందని రైతులు తెలిపారు. ఒకే ఏరియాలో లింగాపూర్, దేవునిపల్లి, టెకిర్యాల్ శివార్లలో 100 ఫీట్ల రోడ్లు 3 రోడ్లు ప్రపోజల్ చేశారు. ఇదే ఏరియాలో కొత్తగా వెంచర్లు చేస్తున్నారు. కొందరు లీడర్లకు చెందిన భూములకు మేలు జరిగేలా 100 ఫీట్ల రోడ్లు ప్రతిపాదించారని రైతులు విమర్శిస్తున్నారు. డ్రాఫ్ట్ప్లాన్పై స్థానికుల అవగాహన కల్పించటంలో మున్సిపల్ ఆఫీసర్లు విఫలమయ్యారనే విమర్శలు ఉన్నాయి.

ఎమ్మెల్యే ప్రకటనపై అనుమానాలు..

కౌన్సిల్ చేసి పంపిన ప్లాన్ను డీటీసీపీ, కన్సల్టెన్సీ సంస్థ మార్చారని, దీంతోనే మాస్టర్ ప్లాన్పై గందోరగోళ పరిస్థితులు ఏర్పడ్డాయని స్థానిక ఎమ్మెల్యే గంప గోవర్ధన్ తెలిపారు. అడ్లూర్, ఇల్చిపూర్ శివారులోని భూములను తాము రెసిడెన్సియల్ జోన్గా ప్రపోజల్స్పంపామని, ప్రభుత్వ భూముల్లో ఇండస్ర్టియల్ జోన్గా ఇల్చిపూర్ శివారులో అడ్లూర్ఎల్లారెడ్డి గ్రామానికి చెందిన రైతుల భూములు ఉన్నాయి. మున్సిపాల్టీ నుంచి అక్కడి పాలకవర్గానికి కూడా సమాచారం పంపినట్లు తెలిసింది. ఆ టైంలో ఎందుకు రైతులకు సమాచారం ఇవ్వలేదు. మున్సిపాల్టీలో విలీనమైన అడ్లూర్, లింగాపూర్, టెకిర్యాల్, దేవునిపల్లి, రామేశ్వర్పల్లి, పాతరాజంపేట, సరంపల్లి రైతులకు కానీ , స్థానిక ప్రముఖులకు కానీ సమాచారం ఇవ్వలేదు.

రైతుల ఉద్యమంతో కదలిక

మాస్టర్ ప్లాన్కు వ్యతిరేకంగా 8 గ్రామాలకు చెందిన రైతులు ఉద్యమిస్తున్నారు. రైతు ఐక్య కార్యచరణ కమిటీగా ఏర్పడి నెల రోజులుగా ఆందోళనలు చేస్తున్నారు. ఈ నెల 5న జిల్లా కేంద్రంలో రైతులు, వారి కుటుంబ సభ్యులు నిర్వహించిన భారీ ర్యాలీ, కలెక్టరేట్ ఎదుట ధర్నా రాష్ర్ట వ్యాప్తంగా చర్చకు దారితీసింది.

భారీగా అభ్యంతరాలు

మాస్టర్ ప్లాన్పై ఆయా వర్గాల వారి నుంచి 1,026 అభ్యంతరాలు వచ్చినట్లు ఆఫీసర్లు తెలిపారు. ఈనెల 11 వరకు గడువు ఉంది. ఇంకా కొన్ని అప్లికేషన్లు ఆన్లైన్లో వచ్చాయి. ప్లాన్మార్చాలనే దానిపైనే ఎక్కువగా అభ్యంతరాలు ఉన్నాయి. మరో వైపు ప్రజల అభిప్రాయాలను కూడా పరిగణలోకి తీసుకుంటామని ఇటీవల హైదరాబాద్లో జరిగిన మీటింగ్లో మున్సిపల్మంత్రి కేటీఆర్ పేర్కొన్నారు.