హైదరాబాద్: తెలంగాణ తల్లికి కొత్త రూపం.. కొత్త విగ్రహం వచ్చేసింది. తెలంగాణ ఆడబిడ్డను గుర్తు చేస్తోంది తెలంగాణ తల్లి విగ్రహం. తెలంగాణ సామాన్య మహిళ రూపం ఆకట్టుకుంటుంది. ఆకు పచ్చ చీరలో దర్శనం ఇస్తుంది తెలంగాణ తల్లి. చేతికి మట్టి గాజులతో తెలంగాణ సంస్కృతి, సంప్రదాయాలకు నిండుదనం తీసుకొచ్చింది తెలంగాణ తల్లి విగ్రహం.
తెలంగాణ తల్లి విగ్రహ ఆవిష్కరణకు కాంగ్రెస్ ప్రభుత్వం సిద్ధమైన సంగతి తెలిసిందే. డిసెంబర్ 9న సచివాలయంలో సీఎం రేవంత్ రెడ్డి తెలంగాణ తల్లి విగ్రహాన్ని ఆవిష్కరించనున్నారు. బంగారు రంగు అంచుతో ఉన్న ఆకుపచ్చని చీర, ఎడమ చేతిలో వరి కంకి, మొక్క జొన్న కంకి, సజ్జ కంకి, చేతికి, మెడలో తీగ, ఆకుపచ్చ గాజులు, పోరాట స్ఫూర్తిని తెలిపేలా పిడికిళ్లతో తెలంగాణ తల్లి కొత్త విగ్రహం చూడ ముచ్చటగా ఉంది.
తెలంగాణ తల్లి కొత్త విగ్రహం ప్రత్యేకతలివే:
- ఆకుపచ్చని చీర
- ఎడమ చేతిలో వరి కంకి, మొక్క జొన్న కంకి, సజ్జ కంకి
- మెడలో తెలంగాణ పల్లె ఆడపడుచులు ధరించే తీగ
- చేతికి ఆకుపచ్చ గాజులు
- బంగారు రంగు అంచు ఆకుపచ్చ చీర
- పోరాట స్ఫూర్తిని తెలిపేలా బిగించిన పిడికిళ్లు
- అభయహస్తంతో తెలంగాణకు ఆశీస్సులు
- నుదుటన ఎర్రటి కుంకుమ బొట్టు
- చెవికి కమ్మలతో తెలంగాణ తల్లి విగ్రహం
