కోల్బెల్ట్, వెలుగు: 11వ వేజ్బోర్డు అగ్రిమెంట్ ద్వారా సింగరేణిలో జూన్ నుంచి కొత్త వేతనాలు వర్తింపజేయాలని గురువారం కోలిండియా మేనేజ్మెంట్ ఉత్తర్వులు జారీ చేసిందని బీఎంఎస్ నేషనల్ లీడర్, బొగ్గు పరిశ్రమల ఇన్ చార్జి కొత్తకాపు లక్ష్మారెడ్డి, సింగరేణి కోల్ మైన్స్ కార్మిక సంఘ్(బీఎంఎస్) స్టేట్ ప్రెసిడెంట్ యాదగిరి సత్తయ్య తెలిపారు.
జేబీసీసీఐ అగ్రిమెంట్‌‌‌‌లో బీఎంఎస్ యూనియన్ పెద్దన్న పాత్ర పోషించి ఒప్పందం చేయడానికి కృషి చేసిందన్నారు. కోలిండియా మాదిరిగా సింగరేణిలో కూడా జూన్ నుంచి కొత్త జీతభత్యాలు చెల్లించడానికి చర్యలు తీసుకోవాలని డిమాండ్ చేయడంతో మేనేజ్మెంట్ స్పందించిందన్నారు. సింగరేణి కార్మికులు కొత్త జీతాలు జులైలో అందుకుంటారని తెలిపారు.
