- తనిఖీల కోసం 40 స్పెషల్ టీమ్స్ ఏర్పాటు
- నాన్‌ డ్యూటీ పెయిడ్‌ లిక్కర్, డ్రగ్స్ వినియోగిస్తే కఠిన చర్యలు
- ఎక్సైజ్, ఎన్ఫోర్స్మెంట్, ప్రొహిబిషన్‌ డైరెక్టర్ వీబీ కమలాసన్రెడ్డి
హైదరాబాద్ సిటీ/వికారాబాద్ , వెలుగు: న్యూ ఇయర్ సెలబ్రేషన్స్పై ప్రత్యేక దృష్టి పెట్టామని ఎక్సైజ్, ఎన్ఫోర్స్మెంట్, ప్రొహిబిషన్‌ డైరెక్టర్ వీబీ కమలాసన్రెడ్డి తెలిపారు. నాన్‌ డ్యూటీ పెయిడ్‌ లిక్కర్, డ్రగ్స్వినియోగాన్ని అరికట్టేందుకు జీహెచ్‌ఎంసీ పరిధిలో 40 స్పెషల్టీమ్స్ను ఏర్పాటు చేస్తున్నామన్నారు. నాన్‌ డ్యూటీ పెయిడ్‌ లిక్కర్, డ్రగ్స్తో పట్టుబడితే కఠిన చర్యలు తీసుకుంటున్నామని చెప్పారు.
కోకైన్‌, ఎండీఎంఎ, ఎల్‌ఎస్‌డీ బాస్ట్స్‌, గంజాయి, హాష్ ఆయిల్‌, డైజోఫామ్, హైడ్రో క్లోరిక్‌ వంటి మత్తు పదార్థాలు వినియోగిస్తే కేసులు బుక్చేస్తున్నామని తెలిపారు. అనుమానితులకు డ్రగ్‌ డిటెక్షన్‌ కిట్‌ బాక్స్‌తో పరీక్షలు నిర్వహిస్తున్నామని, న్యూఇయర్వేడుకల్లో తనిఖీలు నిర్వహించే ప్రత్యేక టీమ్‌లకు కిట్స్‌ను అందజేస్తున్నామని వెల్లడించారు. బెంగూళూరు, మహారాష్ట్ర, ఇతర రాష్ట్రాల నుంచి వచ్చే రైళ్లు, బస్సులు, ఇతర వెహికల్స్పై నిఘా పెట్టామని గంజాయి అమ్మకాలు ఎక్కువగా జరుగుతున్న నానక్‌రాం గూడ, ధూల్‌పేటతోపాటు అనుమానిత ప్రదేశాల్లో రోజూ తనిఖీలు చేస్తున్నామని శనివారం కమలాసన్రెడ్డి చెప్పారు.
గోవా రైలులో 95 లిక్కర్ బాటిళ్లు సీజ్
న్యూఇయర్వేడుకల కోసం అక్రమంగా తరలిస్తున్న 95 గోవా లిక్కర్బాటిళ్లను వికారాబాద్ ఎక్సైజ్పోలీసులు శనివారం స్వాధీనం చేసుకున్నారు. పక్కా సమాచారంతో గోవా నుంచి హైదరాబాద్వస్తున్న వాస్కోడిగామా ఎక్స్ప్రెస్లో సోదాలు చేసినట్లు ఎక్సైజ్సూపరిండెంట్విజయ్భాస్కర్ తెలిపారు. సోదాల్లో రూ.లక్ష విలువ చేసే 95 లిక్కర్బాటిళ్లు దొరికాయని చెప్పారు. కొందరు యువకులు న్యూ ఇయర్ పార్టీ కోసం అక్రమంగా హైదరాబాద్తరలిస్తున్నట్లు తెలిపారు. వికారాబాద్ఎక్సైజ్ పోలీసులను ఎన్ఫోర్స్మెంట్డైరెక్టర్ కమలాసన్రెడ్డి, డిప్యూటీ కమిషనర్దశరథ్అభినందించారు. దాడుల్లో ఎస్సైలు ప్రేమ్రెడ్డి, వీరాంజనేయులు, సిబ్బంది పాల్గొన్నారు.
