5టీ20 మ్యాచ్ ల సిరీస్ ఆడటానికి న్యూజిలాండ్ వెళ్లిన పాకిస్థాన్ కు వరుస పరాజయాలు వేధిస్తున్నాయి. వరల్డ్ కప్ తర్వాత పాక్ క్రికెట్ లో భారీ మార్పులు చేసినా వరుస ఓటములు ఆ జట్టును కుంగదీస్తున్నాయి. ఆస్ట్రేలియాతో 0-3 తేడాతో టెస్టు సిరీస్ ఓడిపోయిన పాక్.. తాజాగా న్యూజిలాండ్ గడ్డపై మరో రెండు టీ20 మ్యాచ్ లుండగానే సిరీస్ కోల్పోయింది. ఓటముల సంగతి పక్కన పెడితే ఆ జట్టు వికెట్ కీపర్ బ్యాటర్ అజామ్ ఖాన్ కు న్యూజిలాండ్ లో ఘోర అవమానం జరిగింది.
మూడో టీ20 లో ఫకర్ జమాన్ తర్వాత బ్యాటింగ్ చేయడానికి క్రీజ్ లోకి వచ్చాడు అజామ్ ఖాన్. అయితే అంతకు ముందు గ్రౌండ్ లో ఎంట్రీ ఇస్తున్నప్పుడు ఒక డీజే సాంగ్ ప్లే చేశారు. ఈ సాంగ్ మాజీ వరల్డ్ రెజ్లింగ్ ఎంటర్‌టైన్‌మెంట్ (డబ్ల్యుడబ్ల్యుఇ) 'ది బిగ్ షో' ఎంట్రీ సమయంలో ప్లే చేశారు. బిగ్ షో భారీ ఆకారంతో ఆకారం కలిగి ఉంటాడు. అజాం ఖాన్ కూడా భారీగా ఉంటాడు. ఇదంతా పాక్ ఛేజింగ్ చేస్తున్న సమయంలో 11 ఓవర్లో జరిగింది. దీంతో తమ ప్లేయర్ ను అవమానిస్తారా అని పాక్ ఫ్యాన్స్ రచ్చ చేస్తున్నారు. న్యూజిలాండ్ క్రికెట్ పై మండిపడుతూ విమర్శలు చేస్తున్నారు.
ఈ మ్యాచ్ లో అలెన్ పెను విధ్వంసానికి పాక్ 45 పరుగుల తేడాతో ఓడిపోయింది. మొదటగా బ్యాటింగ్ చేసిన న్యూజి లాండ్ 20 ఓవర్లలో 7 వికెట్ల నష్టానికి 224 పరుగులు చేసింది. లక్ష్య ఛేదనలో పాకిస్థాన్ 7 వికెట్లకు 179 పరుగులకే పరిమితమైంది. ప్రస్తుతం ఇరు జట్ల మధ్య నాలుగో టీ20 జరుగుతుంది. మొదట బ్యాటింగ్ చేసిన పాకిస్థాన్ 5 వికెట్లను 158 పరుగులు చేసింది. లక్ష్య ఛేదనలో కివీస్ 3 వికెట్లను 114 పరుగులు చేసింది. న్యూజిలాండ్ గెలవాలంటే 30 బంతుల్లో 45 పరుగులు చేయాలి.
Wayyyy eh eh... where is the big show ? pic.twitter.com/iMQvRPu9tv
— IPL (@WatchIPLvideos) January 17, 2024
