- బండి సంజయ్కు ఎన్హెచ్ 63 బాధిఫిర్యాదు
చిర్యాల, వెలుగుమం: ఎన్హెచ్ఏఐ అధికారులు కొంతమంది భూస్వాములు, రియల్టర్లతో కుమ్మక్కై ఎన్హెచ్ 63 అలైన్మెంట్ను మూడుసార్లు మార్చి తమకు అన్యాయం చేస్తున్నారని బాధిత రైతులు కేంద్ర హోంశాఖ సహాయమంత్రి బండి సంజయ్కు ఫిర్యాదు చేశారు. రాంపూర్కు వచ్చిన కేంద్రమంత్రిని కలిసి తమ గోడు విన్నవించారు. నిజామాబాద్ జిల్లా ఆర్మూర్ నుంచి మంచిర్యాల వరకు గ్రీన్ఫీల్డ్ హైవే కోసం 2018లో అలైన్మెంట్ రూపొందించి గెజిట్ నోటిఫికేషన్ ఇచ్చారని, తర్వాత బ్రౌన్ఫీల్డ్గా మార్చి ఇప్పుడున్న హైవేనే ఫోర్ లేన్గా విస్తరించేందుకు మరో నోటిఫికేషన్ జారీ చేశారని తెలిపారు.
అయితే లక్సెట్టిపేట మున్సిపాలిటీ పరిధిలో రోడ్డు 135 ఫీట్ల వెడల్పు ఉన్నప్పటికీ 100 ఫీట్లు మాత్రమే ఉందని తప్పుడు రిపోర్టు ఇచ్చి దానిని సైతం అడ్డుకున్నారన్నారు. తాజాగా గోదావరి తీరం నుంచి గ్రీన్ఫీల్డ్ హైవే కోసం అలైన్మెంట్ రూపొందించి భూసేకరణ నోటిఫికేషన్ జారీ చేశారన్నారు. ఇప్పటికే ఎల్లంపల్లి ప్రాజెక్టు కోసం తమ భూములు తీసుకున్నారని, రెండోసారి సేకరించవద్దని సుప్రీంకోర్టు గైడ్లైన్స్ఉన్నప్పటికీ పట్టించుకోవడం లేదన్నారు. తమకు న్యాయం చేయాలని కోరారు.
