యానిమల్ సినిమా ప్రపంచవ్యాప్తంగా ఎంత సంచలనం సృష్టించిందో ప్రత్యేకంగా చెప్పనవసరం లేదు. రన్ బీర్ కపూర్ హీరోగా, సందీప్ రెడ్డి వంగా దర్శకత్వంలో వచ్చిన ఈ సినిమా యూత్ కు విపరీతంగా నచ్చేసింది. గ్లోబల్ గా 900 కోట్లు కలెక్ట్ చేసిన ఈ సినిమా.. ఇండియాలో 550 కోట్లకు పైగా వసూల్ చేసింది. ఈ సినిమాలో విలన్ బాబీ డియోల్ ఇంట్రడక్షన్ సీన్ లో చేసిన డ్యాన్స్ బాగా పాపులర్ అయింది. ఈ పాటకు నెటిజన్స్ స్టెప్పులేయడంతో సోషల్ మీడియాలో తెగ వైరల్ అయింది.
ఈ పాటలో బాబీ తలపై గ్లాస్ పెట్టుకొని చేసిన మూమెంట్ సినిమాకే హైలెట్ గా నిలిచింది. తాజాగా ఈ స్టెప్పులను విండీస్ క్రికెటర్ నికోలస్ పూరన్ వేస్తూ కనిపించాడు. టీ20 లీగ్ కోసం దక్షిణాఫ్రికాలో ఉన్న ఈ విండీస్ విధ్వంసకర వీరుడు తలపై దాల్ మఖ్నీతో నిండిన గ్లాసును బ్యాలెన్స్ చేస్తూ తన చేతులు వెడల్పుగా తెరిచాడు. ఈ పిక్ ను సోషల్ మీడియాలో పోస్ట్ చేయడంతో వైరల్ గా మారుతుంది. ఈ మధ్య ఇండియన్ సినిమా పాటలు ప్రపంచ క్రికెటర్లందరూ ఎంజాయ్ చేస్తున్నారు. పుష్ప, ట్రిపుల్ ఆర్, ఆదిపురుష్ పాటలు బాగా ఫేమస్ అయిన సంగతి తెలిసిందే.
పూరన్ ప్రస్తుతం దక్షిణాఫ్రికాలో ఉన్నాడు. సౌతాఫ్రికా టీ20 లీగ్ లో డర్బన్ సూపర్ జయింట్స్ జట్టుకు కెప్టెన్ గా వ్యవహరిస్తున్నాడు. నిన్న(జనవరి 10) ఈ మెగా లీగ్ ప్రారంభం కాగా నేడు కింగ్స్‌మీడ్ స్టేడియంలో MI కేప్ టౌన్‌తో డర్బన్ సూపర్ జయింట్స్ తలపడుతుంది. నెల రోజులపాటు జరగబోయే ఈ మ్యాచ్ లన్ని ఫ్రీగా చూసే అవకాశం క్రికెట్ లవర్స్ కు దక్కింది. జియో టీవీ వెబ్ సైట్ లో ఈ మ్యాచ్ లు ప్రత్యక్ష ప్రసారమవుతాయి. టీవీలో స్పోర్ట్స్ 18 ఛానెల్ లో ప్రసారమవుతాయి.
ఈ మెగా లీగ్ లో డర్బన్ సూపర్ జెయింట్స్(లక్నో), జోహెన్ బర్గ్ సూపర్ కింగ్స్ (చెన్నై), ఎంఐ కేప్ టౌన్ (ముంబై), పార్ల్ రాయల్స్ (రాజస్థాన్), ప్రిటోరియా క్యాపిటల్స్ (ఢిల్లీ), సన్ రైజర్స్ ఈస్టర్న్ కేప్ (హైదరాబాద్) జట్లు పాల్గొంటున్నాయి. మార్కరం సారధ్యంలోని సన్ రైజర్స్ ఈస్టర్న్ కేప్ డిఫెండింగ్ ఛాంపియన్ గా బరిలోకి దిగుతుంది. షెడ్యూల్ ప్రకారం.. ప్రతి జట్టు ఇతర ఐదు జట్లతో డబుల్ రౌండ్-రాబిన్ ఫార్మాట్‌లో రెండుసార్లు ఆడుతుంది. అన్ని లీగ్ మ్యాచ్‌ల తర్వాత స్టాండింగ్స్‌లో మొదటి నాలుగు స్థానాల్లో నిలిచిన జట్లు ప్లే ఆఫ్‌కు అర్హత సాధిస్తాయి.
Nicholas Pooran ? Bobby Deol #NicholasPooran #BobbyDeol #cricket #CricketTwitter pic.twitter.com/zyW9ojrUw6
— CricketTimes.com (@CricketTimesHQ) January 10, 2024
