యంగ్ టాలెంటెడ్ నిఖిల్ సిద్ధార్థ (Nikhil Siddhartha) హీరోగా సుధీర్ వర్మ (Sudheer Varma) దర్శకత్వంలో రూపొందిన చిత్రం ‘అప్పుడో ఇప్పుడో ఎప్పుడో’(AIE). రుక్మిణీ వసంత్, దివ్యాంశ కౌశిక్ హీరోయిన్స్. బీవీఎస్‌‌ఎన్ ప్రసాద్ నిర్మించారు. రీసెంట్‌‌గా రిలీజ్ చేసిన టీజర్ అండ్ సాంగ్స్కి ఆడియన్స్ నుంచి మంచి రెస్పాన్స్ వచ్చింది. నవంబరు 8న ఈ మూవీ ప్రేక్షకుల ముందుకు రానుంది.
ఈ నేపథ్యంలో ఇవాళ సోమవారం (నవంబర్ 4న) అప్పుడో ఇప్పుడో ఎప్పుడో మూవీ ట్రైలర్ రిలీజ్ చేశారు. సస్పెన్స్ థ్రిల్లర్ బ్యాక్ డ్రాప్లో కట్ చేసిన ఈ ట్రైలర్ సినిమాపై ఆసక్తిని పెంచింది. ఆడియన్స్ని కట్టిపడేసేలా ట్రైలర్ స్క్రీన్ ప్లే అదిరిపోయింది.
అలాగే ఇటీవలే ఈ మూవీ ప్రమోషన్స్లో నిఖిల్ మాట్లాడుతూ..'ఈ సినిమాలో ప్రతి పది నిమిషాలకు ఒక ట్విస్ట్‌ ఉంటుందని.. క్లైమాక్స్‌లో వచ్చే ట్విస్ట్‌ను ఎవరూ ఊహించలేరని' చెప్పుకొచ్చారు. దీనికి తోడు ఇపుడు రిలీజ్ చేసిన ట్రైలర్ కూడా హై లెవల్ స్క్రీన్ ప్లేతో ఉండటంతో ఆ అంచనాలు మరింత పెరిగాయి.
Also Read:-నాగ చైతన్య - శోభిత మ్యారేజ్ డేట్ ఫిక్స్.. పెళ్లి ఎక్కడంటే?
ఇక ప్రస్తుతం నిఖిల్ రెండు పాన్‌ ఇండియా సినిమాలతో బిజీగా ఉన్నారు. భరత్‌ కృష్ణమాచారి డైరెక్షన్లో తెరకెక్కుతోన్న ‘స్వయంభూ’లో నటిస్తున్నారు. ఇందులో సంయుక్తా మేనన్‌ కథానాయిక. ఠాగూర్‌ మధు సమర్పిస్తున్నారు. అలాగే చందు మొండేటి దర్శకత్వంలో కార్తికేయ 2 లైన్లో ఉంది.
