జడ్చర్ల టౌన్, వెలుగు: వచ్చే ఎన్నికల్లో రాష్ట్రంలోని అన్ని స్థానాల్లో బీఆర్ఎస్ పార్టీ కైవసం చేసుకుంటుందని మంత్రి నిరంజన్రెడ్డి జోస్యం చెప్పారు. శనివారం జడ్చర్లలో పీఏసీఎస్ ఆధ్వర్యంలో నిర్మించిన గోదామ్ను ఆయన ప్రారంభించారు. ఈ సందర్భంగా మంత్రి మాట్లాడుతూ రాష్ట్రంలో హంగ్ వస్తుందని ప్రతిపక్షాలు చేస్తున్న వ్యాఖ్యలపై స్పందించారు. హంగ్ లేదు.. ఏమిలేదు.. అన్ని స్థానాల్లో గెలిచి పూర్తి మెజార్టీ సాధిస్తామని చెప్పారు. రాష్ట్రంలో సాగు విస్తీర్ణంతో పాటు పంటల దిగుబడి పెరిగిందన్నారు. గతంలో 4 లక్షల మెట్రిక్ టన్నుల కెపాసిటీ గోదామ్లు ఉండేవని, ఇప్పుడు 70 లక్షల మెట్రిక్ టన్నుల గోదామ్లను నిర్మిస్తున్నట్లు చెప్పారు. ఎమ్మెల్యే లక్ష్మారెడ్డి, పీఏసీఎస్ చైర్మన్ సుదర్శన్ గౌడ్ పాల్గొన్నారు.
శ్రీరంగాపూర్: మండలంలోని నాగసానిపల్లి నుంచి మండల కేంద్రం వరకు, నాగరాల రెండో సెంటర్ నుంచి మూడో సెంటర్ వరకు రూ.2.60 కోట్లతో నిర్మించనున్న బీటీ రోడ్డు నిర్మాణానికి శనివారం మంత్రి నిరంజన్ రెడ్డి శంకుస్థాపన చేశారు. గ్రామాల అభివృద్ధి కోసం చర్యలు తీసుకుంటున్నామని చెప్పారు. జడ్పీ చైర్మెన్ లోక్నాథ్ రెడ్డి, ఎంపీపీ గాయత్రి పృథ్వీరాజ్, సర్పంచులు వినీలారాణి, నిర్మల, రాధకృష్ణ, ఆంజనేయులు, గౌడ నాయక్, ఆరీఫ్, మహేశ్గౌడ్, శివసాగర్, నరేశ్నాయుడు, సంపత్నాయుడు పాల్గొన్నారు.
