- ¯–ఆహారం, ఎరువులు, ఇంధనంపై రాయితీ 7.8 శాతానికి తగ్గింపు
- సబ్సిడీల కోసం బడ్జెట్లో రూ.3,81,175 కోట్లు కేటాయింపు
న్యూఢిల్లీ: ఆర్థిక స్థిరత్వాన్ని కారణంగా చూపిస్తూ కేంద్ర సర్కారు పలు కీలక రంగాల సబ్సీడీల్లో కోత విధించింది. ఆహారం, ఎరువులు, ఇంధన రంగాల్లో ఇస్తున్న సబ్సిడీలకు బడ్జెట్లో కేటాయింపులు తగ్గించింది. 2024–25 ఆర్థిక సంవత్సరానికి మొత్తం సబ్సిడీల కోసం రూ. 3,81,175 కోట్లు మాత్రమే కేటాయించింది. గత ఆర్థిక సంవత్సరం రూ. 4,13,466 కోట్లు కేటాయించిన కేంద్ర సర్కారు.. ఈ సారి 7.8 శాతం సబ్సిడీల్లో కోతపెట్టింది.
కేటాయింపులు ఇలా..
- ఆహార సబ్సిడీ కోసం ఈ బడ్జెట్లో రూ. 2,05,250 కోట్లు కేటాయించారు. గత ఆర్థిక సంవత్సరంలో కేటాయింపులు రూ. 2,12,332 కోట్లుగా ఉన్నాయి. ఈ రంగంలో రూ.7,082 కోట్లు సబ్సిడీ కోత విధించింది. నేషనల్ ఫుడ్ సెక్యూరిటీ యాక్ట్ కింద ధాన్యం సేకరణ వ్యయం, అమ్మకాల ద్వారా వచ్చిన ఆదాయం మధ్య అంతరంతో పాటు 80 కోట్ల మందికి ఇస్తున్న ఉచిత రేషన్‌ వంటివి ఈ సబ్సిడీ కిందకు వస్తాయి.
- ఎరువుల రాయితీకోసం ఈ ఏడాది కేంద్రం రూ. 1,64,000 కోట్లు మాత్రమే కేటాయించింది. గత ఆర్థిక సంవతర్సం ఈ కేటాయింపులు రూ. 1,88,894 కోట్లు ఉండగా.. ఈ సారి 24, 894 కోట్లు కోతపెట్టింది. యూరియా, యూరియేతర ఎరువులతో పాటు డీఏపీ, ఎంఓపీ వంటి వాటి కోసం ఈ సబ్సిడీని కేంద్రం ఉపయోగిస్తుంది. రైతులకు కావాల్సిన వస్తువులను అందుబాటు ధరలో ఉంచేలా తయారీ సంస్థలకు ఈ సబ్సిడీ
- తోడ్పడుతుంది.
- ఎల్పీజీసహా పెట్రోలియం సబ్సిడీల కోసం కేంద్రం ఈ ఆర్థిక సంవత్సరంలో రూ. 11,925 కోట్లు కేటాయించింది. గత ఆర్థిక సంవత్సరంలో కేటాయించిన రూ. 12,240 కోట్లతో పోలిస్తే ఈ సారి 315 కోట్లు కోత పెట్టింది.
