బ్యాక్ టు బ్యాక్ ప్రాజెక్టులతో బిజీగా ఉన్నాడు నితిన్ (Nithiin). ప్రస్తుతం రెండు సినిమాల్లో నటిస్తున్నాడు. వాటిలో వెంకీ కుడుముల(Venkykudumula) దర్శకత్వంలో తెరకెక్కుతోన్న చిత్రం ఒకటి. ఈ మూవీకి సంబంధించి క్రేజీ అనౌన్స్‌‌మెంట్‌‌ను ఇటీవలే ప్రకటించారు. లేటెస్ట్ గా మోసగాడి ముఖాన్ని మీ ముందుకు తీసుకు వస్తున్నాం అంటూ మైత్రీ మూవీ మేకర్స్..నితిన్ ఫస్ట్ లుక్ తో పాటు..సినిమా టైటిల్ గ్లింప్స్ రిలీజ్ చేశారు.
ఈ మూవీ టైటిల్ ను రాబిన్ హుడ్ (Robinhood) గా మేకర్స్ ఫిక్స్ చేశారు. భీష్మ తర్వాత డైరెక్టర్ వెంకీ కుడుముల కాంబోలో వస్తోన్న ఈ క్రేజీ ప్రాజెక్ట్ను భారీ లెవల్లో నిర్మిస్తున్నారు మేకర్స్. రిలీజ్ చేసిన పోస్టర్, టైటిల్ చూస్తుంటే..రాబిన్ హుడ్ తరహాలోనే..జనాల నుంచి సొమ్మును కాజేసే క్యారెక్టర్లో హీరో కనిపిస్తాడని తెలుస్తోంది. ‘గిఫ్టింగ్ సీజన్ ముగుస్తుంది..లూటింగ్ సీజన్ బిగిన్స్’ అని ఎత్తైన బిల్డింగ్‌‌పై శాంటా క్లాజా గెటప్‌‌లో వెనుక నుంచి కనిపిస్తున్న నితిన్ పోస్టర్‌‌‌‌తో ఆడియన్స్ లో క్యూరియాసిటీని పెంచారు మేకర్స్.
మైత్రీ మూవీ మేకర్స్ సంస్థ నిర్మిస్తున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నాడు. నితిన్ సరసన శ్రీలీల హీరోయిన్ గా నటించనున్నట్లు తెలుస్తోంది. ఈ జంట ఇటీవలే ఎక్స్ ట్రా మూవీలో కలిసి నటించిన సంగతి తెలిసిందే. మరి ఈ సినిమా అయినా నితిన్ కు హిట్ తెచ్చిపెడుతుందో లేదో చూడాలి.
