బ్యాక్ టు బ్యాక్ ప్రాజెక్టులతో బిజీగా ఉన్నాడు నితిన్ (Nithiin). ప్రస్తుతం రెండు సినిమాల్లో నటిస్తున్నాడు. వాటిలో వెంకీ కుడుముల(Venkykudumula) దర్శకత్వంలో తెరకెక్కుతోన్న చిత్రం రాబిన్ హుడ్ (Robinhood). తాజాగా (నవంబర్ 14న) ఈ మూవీకి సంబంధించి టీజర్ రిలీజ్ చేశారు మేకర్స్. ఈ అడ్వెంచరస్ ఎంటర్‌టైనర్ టీజర్ ఆధ్యంతం ఆసక్తి కలిగిస్తోంది.
"హైఫై ఇళ్లల్లో చోరీలు.. ఇంత మంది దాచుకున్న మనీని దోచుకుపోతున్న హానీ సింగ్ ఎవరు? అంటూ స్టార్ట్ అవుతూనే సినిమా నేపధ్యం చెప్పేశారు. రాబిన్ హుడ్ వాడికి పర్టికులర్ జెండా.. ఎజెండా అవేమి లేవు.. డబ్బు కోసం వాడు ఎక్కడికైనా ఎదురెలుతాడు.." అంటూ హీరో క్యారెక్టరైజేషన్ ఒక్క డైలాగ్ తో చెప్పడం ఆసక్తి కలిగిస్తోంది. అలాగే 'నా కంట్రీకి వచ్చి.. నా వాళ్ళ జోలికే వస్తారా.. యూ బ్లడీ ఫారెనర్స్' అంటూ నితిన్ డైలాగ్ ఆకట్టుకుంటోంది.
ఇప్పటికే రిలీజ్ చేసిన పోస్టర్, టైటిల్ చూస్తుంటే..రాబిన్ హుడ్ తరహాలోనే..జనాల నుంచి సొమ్మును కాజేసే క్యారెక్టర్లో హీరో నితిన్ కనిపిస్తాడని తెలుస్తోంది.
ALSO READ | Telugu Blockbuster: వందకోట్ల క్లబ్ లోకి తెలుగు బ్లాక్‌బస్టర్ మూవీ..
మైత్రీ మూవీ మేకర్స్ సంస్థ నిర్మిస్తున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నాడు. నితిన్ సరసన శ్రీలీల హీరోయిన్ గా నటిస్తోంది. ఈ జంట ఇటీవలే ఎక్స్ ట్రా మూవీలో కలిసి నటించిన సంగతి తెలిసిందే. మరి ఈ సినిమా అయినా నితిన్ కు హిట్ తెచ్చిపెడుతుందో లేదో చూడాలి.
