నితిన్ హీరోగా వేణు శ్రీరామ్ దర్శకత్వంలో తెరకెక్కుతున్న చిత్రం ‘తమ్ముడు’. లయ కీలక పాత్ర పోషిస్తుంది. దిల్ రాజు నిర్మిస్తున్నారు. ప్రస్తుతం శరవేగంగా షూటింగ్ జరుగుతోంది. సోమవారం ఈ మూవీ రిలీజ్ డేట్‌‌ను అనౌన్స్ చేశారు. వచ్చే మహాశివరాత్రికి ఈ చిత్రాన్ని విడుదల చేయనున్నట్టు ప్రకటిస్తూ.. నితిన్ కొత్త పోస్టర్‌‌‌‌ను రిలీజ్ చేశారు.
కాగడా చేత పట్టిన నితిన్ వీపుపై పాపను ఎత్తుకుని పరుగెడుతూ రావడం, ఆయనతో పాటు ఊరి ప్రజలు కూడా కాగడాలతో వెంటే వస్తుండటం ఆసక్తిని కలిగిస్తోంది. ఈ రిలీజ్ డేట్ పోస్టర్ సినిమాపై అంచనాలు పెంచుతోంది. అజనీష్ లోక్‌‌నాథ్ సంగీతం అందిస్తున్నాడు. దిల్, శ్రీనివాస కళ్యాణం చిత్రాల తర్వాత దిల్ రాజు నిర్మాతగా నితిన్ నటిస్తున్న మూడో చిత్రమిది. మరోవైపు వెంకీ కుడుముల దర్శకత్వంలో నితిన్ నటిస్తున్న ‘రాబిన్ హుడ్’ చిత్రం డిసెంబర్ 20న ప్రేక్షకుల ముందుకు రానుంది.
