టీమిండియా మాజీ కెప్టెన్ మహేంద్ర సింగ్ ధోనీ క్రికెట్ లో తనదైన ముద్ర వేశాడు. కెప్టెన్ గా ప్రపంచంలోనే వన్ ఆఫ్ ది బెస్ట్ గా నిలిచిన మహీ.. బ్యాటింగ్ లోనూ సత్తా చాటాడు. వరల్డ్ బెస్ట్ ఫినిషర్ గా పేరు తెచ్చుకున్నాడు. బౌలర్ ఎవరైనా.. ప్రత్యర్థి ఎవరైనా అలవోకగా బౌండరీలు బాదేస్తాడు. 42 వయసులో కూడా ఇటీవలే ముగిసిన ఐపీఎల్ లో చెన్నై సూపర్ కింగ్స్ జట్టు తరపున సిక్సర్ల వర్షం కురిపించాడు. ఎన్నో రికార్డ్స్ తన ఖాతాలో వేసుకున్న ధోనీపై తాజాగా తెలుగు కుర్రాడు నితీష్ కుమార్ రెడ్డి సంచలన వ్యాఖ్యలు చేశాడు.
ఐపీఎల్ 2024 లో యంగ్ ప్లేయర్, తెలుగు కుర్రాడు నితీష్ కుమార్ రెడ్డి వెలుగులోకి వచ్చాడు. సన్ రైజర్స్ తరపున కీలక ఇన్నింగ్స్ లు ఆడుతూ ఒక్కసారిగా దూసుకొచ్చాడు. ఎస్ఆర్హెచ్ తరఫున 2024 సీజన్ లో 303 పరుగులు చేసి ఎమర్జింగ్ ప్లేయర్ అవార్డు గెలుచుకున్నాడు. ఇప్పుడిప్పుడే క్రికెట్ లో తన మార్క్ వేస్తున్న నితీష్.. వివాదాస్పద వ్యాఖ్యలు చేసి వార్తల్లో నిలిచాడు. ఏకంగా టీమిండియా మాజీ కెప్టెన్ ధోనీ బ్యాటింగ్ పై హాట్ కామెంట్స్ చేశాడు. విరాట్ ధోనీకి టాలెంట్ ఉంది కానీ.. అతడి బ్యాటింగ్లో టెక్నిక్ లేదన్నాడు.
విరాట్ కోహ్లీతో పోల్చుకుంటే మాహీ బ్యాటింగ్లో ఆ రేంజ్లో టెక్నిక్ కనిపించదని నితీష్ అన్నాడు. హీరో కార్తికేయతో సంభాషణలో భాగంగా నితీష్.. ఈ వ్యాఖ్యలు చేశాడు. ప్రస్తుతం ఈ వీడియో ఇప్పుడు సోషల్ మీడియాలో వైరల్ గా మారుతుంది. నితీష్ కామెంట్స్ పై వ్యతిరేకత పెరుగుతుంది. నిజానికి ధోనీ టెక్నిక్ గురించి పక్కన పెడితే ఒక దిగ్గజ ప్లేయర్ పై ఒక యంగ్ ప్లేయర్ ఇలా మాట్లాడడం కరెక్ట్ కాదని నెటిజన్స్ మండిపడుతున్నారు. ఒక్క సీజన్లో బాగా ఆడినంత మాత్రాన లెజెండ్ మాహీ గురించి కామెంట్ చేయడం కరెక్ట్ కాదంటూ నితీష్కు చురకలు అంటిస్తున్నారు.
"Dhoni doesn't have talent, I mean talent is there , but technique is not there not on Kohli's level" - Nitish Reddy
— 𝐊𝐨𝐡𝐥𝐢𝐧𝐚𝐭!𝟎𝐧_👑🚩 (@bholination) June 1, 2024
Now professional cricketers are owning dhobi😭 pic.twitter.com/XlVEQcjdAL
