- రైతులు చెరకు సాగు చేయాలి
- బోధన్ ఎమ్మెల్యే సుదర్శన్రెడ్డి
నిజామాబాద్, వెలుగు : బోధన్లోని నిజాం షుగర్ఫ్యాక్టరీ ప్రైవేట్యాజమాన్యం చేసిన రూ.200 కోట్ల అప్పును ప్రభుత్వం చెల్లించిందని, త్వరలో కర్మాగారం ప్రారంభించేందుకు చర్యలు తీసుకుంటున్నట్టు మాజీ మంత్రి, బోధన్ ఎమ్మెల్యే సుదర్శన్రెడ్డి వెల్లడించారు. రైతులు చెరకు సాగు చేసేలా చూడాలని, అధిక దిగుబడి వచ్చే వంగడాలను సైంటిస్టులు సూచించాలని కోరారు. సింగిల్విండోలు ఈ విషయంలో చొరవ తీసుకోవాలన్నారు. బుధవారం జిల్లాలోని సింగిల్ విండో సెక్రటరీల మీటింగ్ లో మాట్లాడారు.
ఎరువులు అమ్మడం, వడ్ల కొనుగోలు వరకే సహకార సంఘాలు పరిమితం కావొద్దని, ఆదాయ మార్గాలు పెంచుకోవాలన్నారు. వ్యవసాయ పంటలతో రైతులు డెవలప్అయ్యేలా శాస్త్రవేత్తలు, అగ్రికల్చర్ ఆఫీసర్లు కృషి చేయాలన్నారు. వరి కాకుండా చెరకు, ఇతర పంటల సాగు చేసేలా చేయాలన్నారు. రాష్ట్రంలోని ప్రభుత్వ గోదాములన్నీ నిండి ఉన్నాయని ఎమ్మెల్యే తెలిపారు. ఖరీఫ్ సీజన్ వడ్ల కొనుగోళ్లకు ప్రభుత్వం గోదాములు అందుబాటులోకి తెస్తుందన్నారు. 17 శాతం వరకు తేమ ఉన్నా సొసైటీలు వడ్లు కొనాలన్నారు. రూరల్ఎమ్మెల్యే డాక్టర్ భూపతిరెడ్డి మాట్లాడుతూ..
సింగిల్ విండోల ద్వారా కోళ్లు, చేపల పెంపకం చేపట్టాలని, పూలు, పాల విక్రయాలతోనూ లాభాలు ఆర్జించవచ్చన్నారు. స్టేట్ కోఆపరేటివ్ యూనియన్ చైర్మన్ మానాల మోహన్రెడ్డి మాట్లాడుతూ.. నవంబర్30న హైదరాబాద్, వరంగల్లో సొసైటీ కంప్యూటర్ ఆపరేటర్లకు కామన్ సర్వీస్ సెంటర్ అంశంపై ట్రైనింగ్ ఇవ్వనున్నట్లు తెలిపారు. మార్క్ఫెడ్ చైర్మన్ మార మోహన్రెడ్డి, డీసీసీబీ చైర్మన్కుంట రమేశ్రెడ్డి, ఐడీసీఎంఎస్ చైర్మన్ తారాచంద్ నాయక్, మార్కెట్ చైర్మన్ ముప్ప గంగారెడ్డి, స్టేట్ కోఆపరేటివ్ యూనియన్ ఎండీ అన్నపూర్ణమ్మ, టీపీసీసీ జనరల్ సెక్రటరీ గడుగు గంగాధర్ పాల్గొన్నారు.
