- ఐదు క్లాసులకు ఒక్కరే టీచర్
- హైస్కూళ్లలోనూ సబ్జెక్ట్ టీచర్లు లేక ఇబ్బందులు పడుతున్న స్టూడెంట్స్
గాంధారి మండలం నేరల్ప్రైమరీ స్కూల్లో 42 మంది స్టూడెంట్స్ఉన్నారు. ప్రస్తుతం ఇక్కడ ప్రతిభ రాణి అనే ఒక్క ఎస్జీటీ టీచర్ మాత్రమే పనిచేస్తున్నారు. ఈమె కూడా బామన్సింగ్తండా స్కూల్ నుంచి డిప్యూటేషన్పై ఏడాది కింద ఇక్కడికి వచ్చారు. అన్నీ క్లాసులకు ఒకే టీచర్ పాఠాలు చెప్పాల్సి వస్తోంది. పిసికిల్గుట్ట తండా ప్రైమరీ స్కూల్లో 1 నుంచి 5 వ క్లాస్వరకు ఉండగా, 23 మంది స్టూడెంట్స్ ఉన్నారు. ఒకరే టీచర్ ఉండడంతో అన్నీ క్లాసులకు మొత్తం సబ్జెక్ట్స్ చెప్పడం ప్రాబ్లమవుతోంది. 1, 2 క్లాసులను ఒక దగ్గర, 3,4,5 క్లాసులను మరో దగ్గర కూర్చొబెట్టి బోధిస్తున్నారు.
కామారెడ్డి వెలుగు:కొత్తగా స్కూల్లో చేరుతున్న చిన్నారులకు సరైన చదువు అందడం లేదు. ప్రైమరీ స్కూళ్లలో టీచర్ల కొరత 1, 2 తరగతుల పిల్లలకు శాపంగా మారుతోంది. సింగిల్ టీచర్ ఉన్న స్కూళ్లలో పై క్లాస్పిల్లలే ఫస్ట్, సెకండ్ క్లాసుల పిల్లలతో ఓనమాలు దిద్దిస్తున్నారు. కామారెడ్డి జిల్లాలో 696 ప్రైమరీ స్కూల్స్, 126 యూపీఎస్, 183 హైస్కూల్స్ ఉన్నాయి. మొత్తం 4,938 టీచర్ పోస్టులకు శాంక్షన్ ఉండగా, ప్రస్తుతం 4,081 మంది పనిచేస్తున్నారు. 857 పోస్టులు ఖాళీగా ఉన్నాయి. ఇందులో ప్రైమరీ స్కూళ్లల్లో పనిచేసే ఎస్జీటీ పోస్టులే 253 ఖాళీగా ఉన్నాయి. హైస్కూళ్లలోనూ సబ్జెక్టుల వారీగా మ్యాథ్స్30, ఫిజికల్ సైన్స్14, బయాలజీ 44, సోషల్ 106, తెలుగు 25, హిందీ 20, ఇంగ్లీష్ 28, లాంగ్వేజ్ పండిత్ తెలుగు 5, హిందీ పండిత్4, హెడ్మాస్టర్లు 112 పోస్టులు ఖాళీగా ఉన్నాయి. ఇతర విభాగాల్లో 216 పోస్టులు ఖాళీగా ఉన్నాయి. కొత్తగా టీచర్ల భర్తీ చేపట్టకపొవడం, బదిలీలు లేకపోవడంతో ఎక్కువగా పోస్టులు ఖాళీగా ఉన్నాయి. అకడమిక్ ఇయర్ స్టార్టయ్యి
3 వారాలు దాటినా, ఇంకా అవసరమున్న చోట టీచర్ల సర్దుబాటు చేయలేదు. దీంతో ప్రైమరీ స్కూల్లో ఒకరే టీచర్ ఉన్న తండాలు, గ్రామాల్లో తల్లిదండ్రులు తమ పిల్లల్ని ప్రైవేట్ స్కూల్స్కు పంపుతున్నారు.
సింగిల్ టీచర్తో అవస్థలు..
జిల్లాలో 696 ప్రైమరీ స్కూల్స్ ఉంటే, ఇందులో 130 సింగిల్ టీచర్ తో కొనసాగుతున్నాయి. జిల్లాలో వెనకబడిన ప్రాంతమైన జుక్కల్, మద్నూర్, బిచ్కుంద, పెద్దకొడప్గల్ మండలాల్లో, గాంధారి, సదాశివ్నగర్, రాజంపేట, రామారెడ్డి, మాచారెడ్డి మండలాల్లో సింగిల్ టీచర్ స్కూళ్లు ఎక్కువగా ఉన్నాయి.దీంతో 1 నుంచి 5 క్లాస్వరకు అందరు విద్యార్థులను ఒకే చోట కూర్చోబెట్టి టీచర్లు పాఠాలు చెప్పాల్సి వస్తోంది. మరికొన్ని ప్రైమరీ స్కూళ్లలో 1,2 క్లాసులను ఒక దగ్గర, 3,4,5 క్లాసులను ఒక దగ్గర కూర్చోబెట్టి క్లాసులు చెబుతున్నారు. 30 మంది స్టూడెంట్స్ కంటే తక్కువగా ఉండి సింగిల్టీచర్ తో ఉన్నవి 62 స్కూళ్లు ఉన్నాయి.
నేర్చుకొలేక పోతున్రు..
ప్రైమరీ స్కూళ్లలో ఒకే టీచర్ ఉండడంతో బేసిక్నేర్పడం ప్రాబ్లమ్గా మారుతోంది. ఒక క్లాసుకు పాఠాలు చెబుతుంటే మరో క్లాసు స్టూడెంట్స్ఖాళీగా ఉంటున్నారు. ఒకే దగ్గర అందరినీ కూర్చొబెట్టి చెప్పడంతో పాఠాలు అర్థం చేసుకోలేకపోతున్నారు. ఒకటో తరగతి వారికి ఓనమాలు పెట్టించడం కూడా ఇబ్బందవుతోందని పలువురు టీచర్లు అంటున్నారు. ఏ క్లాసు స్టూడెంట్స్పై తాము శ్రద్ధ
పెట్టలేకపోతున్నామంటున్నారు.
సర్దుబాటు చేయాలని ఎంఈవోలకు చెప్పాం
స్టూడెంట్స్ ఎక్కువగా ఉండి ఒకరే టీచర్ఉన్న దగ్గర, సమీపంలో ఏదైనా స్కూల్లో టీచర్లు ఎక్కువగా ఉంటే సర్దుబాటు చేయాలని ఎంఈవోలకు సూచించాం. స్టూడెంట్స్కు ప్రాబ్లమ్స్ రాకుండా, స్కూళ్లు కొనసాగేలా చర్యలు తీసుకుంటున్నాం. టీచర్ల భర్తీ ప్రభుత్వ నిర్ణయం.
- రాజు, డీఈవో, కామారెడ్డి
