- నిజామాబాద్లో స్పెషల్ ఫోకస్ అవసరం
- బోధన్లో నిర్లక్ష్యానికి తోడు వసూళ్లు
- అప్లికేషన్లు తక్కువున్న భీంగల్, ఆర్మూర్లో స్పీడ్ పెంచాలె
- విలేజ్ లలో టెక్నికల్ ఇష్యూలు మారిస్తేనే రిజల్ట్
నిజామాబాద్, వెలుగు : నాన్లేఅవుట్, ఇంటి జాగల రెగ్యులైజేషన్కు ప్రభుత్వం ఈ నెలాఖరు వరకు గడువు పొడిగించింది. దరఖాస్తుదారులు ఎదుర్కొంటున్న ఇబ్బందులను సరిచేయకుండా నిర్లక్ష్యం చేస్తే గడువు పెంచినా లాభముండదు. 25 శాతం రిబేట్తో గవర్నమెంట్ ప్రకటించిన రెగ్యులైజేషన్ను సక్సెస్ కావడానికి కలెక్టర్ లేక మరో ఉన్నతాధికారి ఆధ్వరంలో రోజువారీగా రివ్యూ చేయాలి. మున్సిపాలిటీలలో కంప్లైంట్ బాక్స్లు ఏర్పాటు చేయాలని ప్రజలు కోరుతున్నారు. గ్రామాల్లో నత్తనడకన సాగుతున్న ఎల్ఆర్ఎస్పై ప్రత్యేక ఫోకస్ పెడితేనే ఫలితం ఉంటుందని పలువురు అభిప్రాయపడుతున్నారు.
కార్పొరేషన్లో స్టాఫ్ పెంచాలి..
2020 అక్టోబర్లో రూ.వెయ్యి ఫీజు చెల్లించిన దరఖాస్తుదారులకే 25 శాతం రాయితీతో రెగ్యులైజ్ చేస్తున్నారు. ఆ రకంగా నిజామాబాద్ మున్సిపల్ కార్పొరేషన్లో ఎల్ఆర్ఎస్ కోసం 33,729 దరఖాస్తులు రాగా, 23066 అప్లికేషన్లను ఎల్ఆర్ఎస్ అర్హమైనవిగా గుర్తించారు. మార్చి నెలాఖరు వరకు కేవలం 4,078 మంది రూ.29.81 కోట్లు పేమెంట్ చేశారు. మిగిలిన దరఖాస్తులను రెగ్యులరైజ్ చేయాలంటే ఇప్పుడున్న స్టాఫ్ను పెంచాలంటున్నారు.
బోధన్ తీరుమార్చకుంటే కష్టం..
నాన్లేఅవుట్ ప్లాట్ ఓనర్ల కష్టాలు గట్టేక్కించేందుకు గవర్నమెంట్ పూనుకోగా బోధన్ మున్సిపాలిటీలో దరఖాస్తుదారుల నుంచి స్టాఫ్ లంచాలు డిమాండ్ చేస్తున్నారు. రూ.వెయ్యి ఇవ్వకుంటే కొర్రీలు పెట్టి బేజారు చేస్తున్నారు. అక్కడి టీపీబీ వెంకటేశ్పై కమిషనర్ వెంకటనారాయణకు దరఖాస్తుదారుల నుంచి ఫిర్యాదులు వెళ్లాయి. బోధన్లో 13,898 అప్లికేషన్లలో 12,150 దరఖాస్తుదారులు రెగ్యులైజేషన్కు అర్హత పొందాయి. వీటిలో 1,112 అప్లికేషన్ల నుంచి రూ.3.33 కోట్ల ఇన్కమ్ సమకూరింది.
దరఖాస్తులు తక్కువే..
భీంగల్ మున్సిపాలిటీలో 1,425 నాన్లేఅవుట్ ప్లాట్ల రెగ్యులైజేషన్ దరఖాస్తులలో 967 అప్లికేషన్లకు ఎలిజిబులిటీ తేలింది. ఇప్పటివరకు 169 జాగలకు సంబంధించి రూ. 56 లక్షల ఫీజు వసూలైంది. ఆర్మూర్ బల్దియాలో మొత్తం 4,125 అప్లికేషన్లకు 3,118 ఎల్ఆర్ఎస్ అర్హత ఉంది. మార్చ్ నాటికి 699 దరఖాస్తులు మాత్రమే క్రమబద్ధీకరణ కాగా, రూ.3.99 కోట్ల ఆదాయం సమాకూరింది. గత నెల వరకు ప్రాపర్టీ టాక్స్ కలెక్షన్ టార్గెట్లో మునిగి ఎల్ఆర్ఎస్ను స్టాఫ్ పెద్దగా పట్టించుకోలేదు. 530 గ్రామ పంచాయతీల పరిధిలోని 19 వేల దరఖాస్తులలో ఇప్పటి దాకా పది శాతం ఎల్ఆర్ఎస్ ఫీజు వసూలు కాలేదు. నెట్ కనెక్షన్, సర్వర్ సమస్య అలాగే ఉంది. దరఖాస్తుదారులు తమ సెల్ ఫోన్ లాగిన్ నుంచి రెగ్యులైజేషన్ పేమెంట్ చేసే వీలున్నా వివరాల క్లారిఫికేషన్తో పాటు రశీదు కోసం మున్సిపాలిటీలు, పంచాయతీ ఆఫీస్లకు వెళ్తున్నారు.
నిషేధిత సర్వే నంబర్లు మినహా..
ఎల్ఆర్ఎస్ కోసం ప్రభుత్వం పెంచిన నెల రోజుల గడువును ప్రజలు ఉపయోగించుకోవాలని కలెక్టర్ రాజీవ్గాంధీ కోరారు. ఎఫ్టీఎల్ నిషేధిత సర్వే నంబర్లు మినహా ఇతర జాగాలను క్రమబద్ధీకరించుకోవాలని తెలిపారు. రెగ్యులైజ్ కాని ప్లాట్స్లో నిర్మాణాలు అనుమతించడం కుదరదన్నారు.
