- ఫోన్ హ్యాక్ చేసి రూ.10 లక్షలు ఇవ్వాలని బ్లాక్ మెయిల్
- వేధింపులు భరించలేక ఇంట్లో ఉరి వేసుకొని ఆత్మహత్య
నిజామాబాద్, వెలుగు: నిజామాబాద్ అర్బన్ అసెంబ్లీ సెగ్మెంట్ నుంచి అలయన్స్ ఆఫ్ డెమొక్రటిక్ అండ్రీఫార్మ్స్ పార్టీ అభ్యర్థిగా పోటీచేస్తున్న యమగంటి కన్నయ్య గౌడ్(36) శనివారం రాత్రి ఇంట్లో సూసైడ్చేసుకున్నాడు. లోన్ యాప్ నిర్వాహకుల వేధింపులే ఆయన బలవన్మరణానికి కారణమని కుటుంబీకులు తెలిపారు. నిజామాబాద్ నగరంలోని సాయినగర్కు చెందిన కన్నయ్యగౌడ్ అద్దె ఇంట్లో ఉంటూ.. కూరగాయల మార్కెట్లో హోల్సేల్ వ్యాపారం చేస్తున్నాడు.
ఏడాదిన్నర కింద మోర్తాడ్ మండలం దొన్కల్గ్రామానికి చెందిన ప్రవళికను పెండ్లి చేసుకున్నాడు. వారికి 5 నెలల బాబు ఉన్నాడు. వ్యాపారంలో సంపాదించిన డబ్బుతో పాటు బ్యాంకు లోన్ తీసుకొని వారం కింద కొత్త ఇల్లు కొన్నాడు. కొత్త ఇంట్లో శుక్రవారం మైసమ్మ పూజ చేశాడు. మరో పక్క గృహ ప్రవేశం కోసం ఏర్పాట్లు చేసుకుంటున్నాడు. ఏదో ఎమర్జెన్సీలో లోన్ యాప్ద్వారా తీసుకున్న రుణం రీపేమెంట్ విషయంలో ఆయనకు వేధింపులు స్టార్ట్ అయ్యాయి. అతడు వాడే ఫోన్ హ్యాక్ చేసిన లోన్యాప్ నిర్వాహకులు.. అందులోని వ్యక్తిగత సమాచారాన్ని సేకరించి రూ.10 లక్షలు చెల్లించాలని డిమాండ్ చేశారు.
అడిగిన సొమ్ము ఇవ్వకుంటే ఫోన్లో సేవ్చేసిన నంబర్లకు లోన్ చీటర్ అని మెసేజ్లు పంపుతామని 4 రోజుల నుంచి బ్లాక్ మెయిల్ చేస్తు న్నారు. ఎన్నికల నామినేషన్ టైమ్లో ఆఫీసర్లకు అందించిన అఫిడవిట్ కాపీని శనివారం ఆయనకు పంపి ఫోన్లోని సమాచారమంతా తమ దగ్గర ఉందని బెదిరించారు. దీంతో ఆందోళనకు గురైన కన్నయ్య.. శనివారం రాత్రి ఇంట్లో ఫ్యాన్కు ఉరేసుకొని ఆత్మహత్య చేసుకున్నాడు. పోలీసులు కన్నయ్య ఉపయోగించిన ఫోన్ను స్వాధీనం చేసుకొని అందులోని డాటాను సేకరిస్తున్నారు. అన్ని కోణాల్లో విచారణ చేస్తామని మీడియాకు చెప్పారు. కన్నయ్య గౌడ్ మృతి విషయాన్ని కలెక్టర్ రాజీవ్ గాంధీ హన్మంతు కేంద్ర ఎలక్షన్ కమిషన్కు నివేదించారు.
