- అడిషనల్ కలెక్టర్‌‌‌‌కు లెటర్ ఇచ్చిన రూలింగ్, ప్రతిపక్ష కౌన్సిలర్లు
- అవిశ్వాసానికి 11 మంది బీఆర్ఎస్, 8 కౌన్సిలర్లు మద్దతు
జనగామ, వెలుగు: జనగామ మున్సిపల్ రాజకీయం వేడెక్కింది. వారం రోజులుగా క్యాంపు రాజకీయాలు చివరిదశకు వచ్చాయి. శుక్రవారం సాయంత్రం మున్సిపల్ చైర్మన్, వైస్ చైర్మన్లపై అసంతృప్తితో ఉన్న బీఆర్ఎస్ కౌన్సిలర్లు అవిశ్వాస తీర్మానం లెటర్ ఇచ్చారు. 11 మంది బీఆర్ఎస్ కౌన్సిలర్లు, 8 మంది కాంగ్రెస్ కౌన్సిలర్లు కలిసి అడిషనల్కలెక్టర్ ప్రపుల్దేశాయ్‌‌కు లెటర్ఇవ్వడం రాజకీయ వర్గాల్లో చర్చనీయాంశంగా మారింది. వీరి ఐక్యత పంతం నెగ్గేవరకు ఉంటుందా.. వీగిపోతుందా అనేది ఆసక్తికరంగా మారింది.
రూలింగ్, ప్రతిపక్ష కౌన్సిలర్లు ఐక్యంగా..
జనగామ బల్దియా చైర్‌‌‌‌పర్సన్ పోకల జమున, వైస్ చైర్మన్ మేకల రాంప్రసాద్‌‌లపై అవిశ్వాసం, ఫ్లోర్‌‌‌‌లీడర్ మారబోయిన పాండులపై నిరసన తెలిపేందుకు ప్రత్యేక సమావేశం ఏర్పాటు చేయాలని కోరుతూ 19 మంది అడిషనల్కలెక్టర్‌‌‌‌కు లెటర్ ఇచ్చారు. ఈ సందర్భంగా కౌన్సిలర్లు మాట్లాడుతూ చైర్మన్, వైస్చైర్మన్‌‌ల వ్యవహారం పట్టణాభివృద్ధికి ఆటంకంగా తయారైందని, అందుకే అవిశ్వాసం పెట్టినట్లు చెప్పారు. బీఆర్ఎస్ కౌన్సిలర్లు బండ పద్మయాదగిరిరెడ్డి(చైర్‌‌‌‌పర్సన్పదవిని ఆశిస్తున్నారు)తోపాటు పేర్ని స్వరూప, అరవింద్‌‌రెడ్డి, శ్రీనివాస్, పాక రమ, నాగరాజు, దయాకర్, అనిత, నీల శ్రీజ, చంద్రకళ, లక్ష్మి ఉన్నారు. వీరికి మద్దతుగా కాంగ్రెస్ కౌన్సిలర్లు జక్కుల అనిత, సుమలత, రాంచందర్, మల్లేశం, కల్యాణి, అరుణ, చందర్, బాల్దె కమలమ్మ మద్దతు తెలుపుతూ సంతకాలు చేశారు. ప్రస్తుత చైర్మన్, వైస్ చైర్మన్, ఫ్లోర్ లీడర్లను మినహాయిస్తే బీఆర్ఎస్ కు చెందిన సురేశ్‌‌రెడ్డి, పి.సుధ, భూలక్ష్మి, ఎండీ సమద్, బీజేపీ కౌన్సిలర్లు నలుగురు ప్రస్తుతానికి దూరంగా ఉన్నారు. అయితే ‘అవిశ్వాస’ సమావేశానికి ముందు కలెక్టర్ కౌన్సిలర్లను పిలిచి మాట్లాడే అవకాశం ఉంది. అనంతరం సమావేశం నిర్వహణపై కలెక్టర్ నిర్ణయం
తీసుకోనున్నారు.
కోరం ఉంటేనే ముందుకు...
బల్దియాలో 30 మంది కౌన్సిలర్లు, ఒకరు ఎక్స్ అఫిషియో సభ్యుడు ఉన్నారు. వీరిలో రూలింగ్పార్టీకి 18, కాంగ్రెస్కు 8, బీజేపీ నలుగురు కౌన్సిలర్లు ఉన్నారు. బీఆర్ఎస్నుంచి 11 మంది అవిశ్వాసానికి సై అంటున్నారు. వీరికి అపోజిషన్ నుంచి 8 మంది జతయ్యారు. మొత్తంగా 19 మంది ప్రస్తుతానికి అవిశ్వాసానికి మద్దతిస్తున్నారు. ఎన్నిక రోజు కోరం సభ్యులు(21 మంది) హాజరైతే అవిశ్వాసం ముందుకు పోతుంది. లేకపోతే మళ్లీ ఏడాది వరకు అవిశ్వాస తీర్మాన ప్రత్యేక సమావేశం పెట్టడానికి అవకాశం లేదని మున్సిపల్కమిషనర్ రజిత తెలిపారు. కాగా జనవరి 25న మొదలైన క్యాంపు రాజకీయానికి ఎట్టకేలకు తెరపడింది. భువనగిరి, మేడారం, భద్రాచలం, హన్మకొండ హరిత హోటల్‌‌లో సాగిన క్యాంపు రాజకీయాలు శుక్రవారంతో ఎండ్ పడింది. ప్రస్తుతం కౌన్సిలర్లంతా జనగామలోనే ఉన్నారు.
