- సదర్ ఉత్సవాల నేపథ్యంలో ట్రాఫిక్ డైవర్షన్స్‌
హైదరాబాద్‌, వెలుగు : సదర్ ఉత్సవాల నేపథ్యంలో సిటీలో నేడు ట్రాఫిక్ ఆంక్షలు విధించారు. ఉత్సవాలు జరిగే నారాయణగూడ పరిసర ప్రాంతాల్లో శనివారం సాయంత్రం 7 గంటల నుంచి ఆదివారం తెల్లవారుజామున 3 గంటల వరకు ఆంక్షలు విధిస్తున్నట్లు సిటీ ట్రాఫిక్ చీఫ్ విశ్వప్రసాద్‌ శుక్రవారం నోటిఫికేషన్ విడుదల చేశారు. నారాయణగూడ వైఎంసీఏ రూట్‌లో వచ్చే ట్రాఫిక్‌ను వివిధ మార్గాల్లో దారి మళ్లించనున్నట్లు తెలిపారు. ట్రాఫిక్‌లో సమస్యలు ఎదురైతే 9010203626 నంబర్‌‌కు కాల్‌ చేయాలని సూచించారు.
- రామ్‌కోఠి నుంచి వైఎంసీఏ, నారాయణగూడ వైపు వచ్చే ట్రాఫిక్‌ను కాచిగూడ క్రాస్ రోడ్స్ వద్ద టూరిస్ట్ హోటల్ జంక్షన్ మీదుగా మళ్లిస్తారు.
- బాగ్ లింగంపల్లి క్రాస్ రోడ్స్ నుంచి ట్రాఫిక్‌ను కాచిగూడ వద్ద డైవర్ట్ చేసి బాటా క్రాస్ రోడ్స్ మీదుగా మళ్లిస్తారు
- ఓల్డ్‌ ఎమ్మెల్యే క్వార్టర్స్‌ వైపు నుంచి వచ్చే ట్రాఫిక్ విఠల్‌ వాడి వద్ద రామ్‌కోఠి క్రాస్ రోడ్స్ వైపు డైవర్ట్ చేస్తారు
- విఠల్‌వాడి నుంచి రాజ్‌మొహల్లా చిల్లా వైపు వచ్చే ట్రాఫిక్‌ను పద్మశాలి భవన్‌ వద్ద రామ్‌కోఠి క్రాస్ రోడ్స్ వైపు మళ్లిస్తారు
- ఆర్టీసీ క్రాస్ రోడ్స్, క్రౌన్ కేఫ్ నుంచి వైఎంసీఏ వైపు వచ్చే ట్రాఫిక్‌ను నారాయణగూడ క్రాస్ రోడ్స్ వద్ద హిమాయత్‌నగర్ వై జంక్షన్ వైపు డైవర్ట్ చేస్తారు
- నారాయణగూడ క్రాస్ రోడ్స్ నుంచి ఆర్‌‌బీవీఆర్‌‌ఆర్‌ కాలేజ్ వైపు వచ్చే ట్రాఫిక్ బాబా టెంట్‌ హౌస్‌ వద్ద క్రౌన్ కేఫ్ వైపు మళ్లిస్తారు.
- బాగ్ లింగంపల్లి కాలనీ నుంచి వైఎంసీఏ వైపు వచ్చే ట్రాఫిక్‌ను రెడ్డి కాలేజ్ జంక్షన్ వద్ద బాబా టెంట్‌ హౌస్‌ వైపు మళ్లిస్తారు
- బర్కత్‌పుర చమాన్‌ నుంచి వైఎంసీఏ వైపు వచ్చే ట్రాఫిక్ పోస్ట్ ఆఫీస్ జంక్షన్ వద్ద క్రౌప్ కేఫ్ వైపు డైవర్ట్ చేస్తారు
- క్రౌన్ కేఫ్ నుంచి బాగ్ లింగంపల్లి క్రాస్ రోడ్స్ వైపు వచ్చే ట్రాఫిక్‌ను పోస్ట్ ఆఫీస్ జంక్షన్ మీదుగా బర్కత్‌పుర చమాన్‌కు మళ్లిస్తారు
- బాగ్ లింగంపల్లి క్రాస్ రోడ్స్, బైలెన్స్‌ కాలనీ నుంచి రెడ్డి కాలేజ్ వైపు వచ్చే ట్రాఫిక్‌ను మాతా టెంపుల్ వద్ద డైవర్ట్ చేసి పోస్ట్ ఆఫీస్ జంక్షన్ వైపు మళ్లిస్తారు
- కాచిగూడ క్రాస్ రోడ్స్, టూరిస్ట్ హోటల్ జంక్షన్ నుంచి పోస్ట్ ఆఫిస్‌ జంక్షన్ వచ్చే ట్రాఫిక్‌ను లింగంపల్లి క్రాస్ రోడ్స్ వద్ద కాచిగూడ క్రాస్ రోడ్స్ వైపు మళ్లిస్తారు
ఆర్టీసీ బస్సులు ఇలా వెళ్లాలి
చిలకలగూడ క్రాస్ రోడ్స్ నుంచి కోఠికి వచ్చే ఆర్టీసీ బస్సులు : ఆర్టీసీ క్రాస్ రోడ్స్, వీఎస్‌టీ, బాగ్‌లింగంపల్లి, క్రౌన్ కేఫ్, టీవై మండలి బర్కత్‌పుర చమాన్‌, టూరిస్ట్ జంక్షన్, కాచిగూడ క్రాస్ రోడ్స్, బాటా క్రాస్ట్‌ రోడ్స్ మీదుగా కోఠికి చేరుకోవాలి.
అశోక్‌నగర్‌ క్రాస్ రోడ్స్ నుంచి కోఠికి వచ్చే బస్సులు : హిమాయత్‌ నగర్‌ వై జంక్షన్, ఓల్డ్‌ ఎమ్‌ఎల్‌ఏ క్వార్టర్స్‌, క్రౌన్ కేఫ్, టీవై మండలి బర్కత్‌పుర జంక్షన్, టూరిస్ట్ హోటల్, కాచిగూడ క్రాస్ రోడ్స్, బాటా క్రాస్ రోడ్స్ మీదుగా కోఠికి చేరుకోవాలి.
