నిజామాబాద్, వెలుగు: గ్రామీణ ప్రాంత ప్రజలకు వేగవంతమైన, పారదర్శక సేవలు అందించే లక్ష్యంతో మూడేళ్ల కింద ఈ–పంచాయతీలను ప్రారంభించారు. బర్త్ అండ్ డెత్ రికార్డుల నమోదు, ఇళ్ల నిర్మాణ అనుమతులు, వ్యాపార, వాణిజ్య లైసెన్సులు, నల్లా కనెక్షన్లు ఇలా 15 రకాల సేవలను ఇందులో చేర్చారు. కానీ కంప్యూటర్లు ఉన్న చోట నెట్సౌకర్యం, నెట్ సౌలత్ఉన్న చోట ఆపరేటర్లు లేక లక్ష్యం నీరుగారిపోతుంది. నిజామాబాద్లో 530, కామారెడ్డిలో 526 గ్రామ పంచాయతీలు ఉన్నాయి. ప్రతీ పంచాయతీ కంప్యూటర్ కొనాలని గవర్నమెంట్ఆదేశాలిచ్చింది.
దీనికోసం గరిష్ఠంగా రూ.50 వేలు ఖర్చు చేసుకోవచ్చని మార్గదర్శకాలు జారీ చేసింది. ఆపరేటర్లను పంచాయతీ తరఫున నియమించుకోవాలని స్పష్టం చేసిన పాలకులు నెట్కనెక్షన్ ఇస్తామని వెల్లడించారు. కానీ ఇప్పటివరకు మేజర్ పంచాయతీలకు మాత్రమే ఈసౌకర్యం కల్పించారు. దీనికి తోడు ఆపరేటర్ల కొరత తీవ్రంగా వెంటాడుతోంది. మండలానికి ముగ్గురికి మించి ఆపరేటర్లు లేరు. వారిపై ఇతర గ్రామాల రికార్డుల నమోదు భారం పడుతోంది. సాంకేతికతపై అంతగా అవగాహన లేని పాత కార్యదర్శులు ప్రజలకు ఆన్లైన్ సేవలు అందించడానికి ఇబ్బందులు పడుతున్నారు. వీరికి శిక్షణ ఇవ్వడంపై ఆఫీసర్లు శ్రద్ధ పెట్టడం లేదు.
దుమ్ముపడుతున్న కంప్యూటర్లు
ప్రభుత్వం నిర్ధేశించిన ప్రకారం ఉమ్మడి జిల్లాలో ఇప్ప టి వరకు సుమారు 500 కంప్యూటర్లు కొనుగోలు చేశారు. కానీ నెట్సౌకర్యం కల్పించాల్సిన ప్రభుత్వం ఆ దిశగా చర్యలు చేపట్టలేదు.దీంతో అనేక చోట్ల కంప్యూటర్లు మూలకు చేరాయి. ఎక్కువ రోజులు ఇలాగే ఉంటే పాడైపోయే ప్రమాదం ఉందని సర్పంచులు ఆవేదన వ్యక్తం చేస్తున్నారు. పంచాయతీల నుంచి ఆపరేటర్లకు జీతాలు ఇవ్వలేమని సర్పంచ్లు వెనక్కి తగ్గుతున్నారు. ఏదోలా పని పూర్తిచేయాడానికి చాలా వరకు మైనర్ పంచాయతీల కార్యదర్శులు అందుబాటులో ఉన్న మేజర్ పంచాయతీ ఆపరేటర్ల వద్దకో, లేక మండల పరిషత్ఆఫీసుల్లో ఉపాధిహామీ కూలీల వివరాలు నమోదు చేసే ఆపరేటర్ల దగ్గరకో వెళ్తున్నారు.
పక్క పంచాయతీలతో పనిభారం
గవర్నమెంట్ నుంచి ఇంటర్నెట్ ఫెసిలిటీ ఇంకా రాలే. పౌరులకు ఈ- సేవలు అందిచడానికి కార్యదర్శి మండలాఫీసుకు తరచూ వెళ్లేవాడు. ఇది బాలేదని సొంతగా నెట్కనెక్షన్ పెట్టించిన. అప్పటి నుంచి పక్క పంచాయతీల కార్యదర్శులు వారి పనుల కోసం క్యూకడుతున్రు. కాదనలేకపోతు న్నమ్, మా పనులు వెనుకబడుతున్నయ్.
- సిద్ధార్థ్, సర్పంచ్, మంచిప్ప మేజర్ పంచాయతీ
