కోల్కతా: ఆర్జీ కర్ ఆస్పత్రిలో ట్రైనీ డాక్టర్పై అత్యాచారం, హత్య కేసులో సీబీఐ దర్యాప్తు తీరుపై బాధితురాలి తల్లిదండ్రులు తీవ్ర అసంతృప్తిని వ్యక్తం చేశారు. ఈ కేసులో తాజా విచారణను కోరుతూ వారు గురువారం కలకత్తా హైకోర్టులో పిటిషన్ వేశారు. ఈ పిటిషన్ను విచారించేందుకు ఓకే చెప్పిన హైకోర్టు.. కేసును విచారిస్తున్న సీబీఐని పిటిషన్లో పార్టీగా చేర్చి ఈ నెల 23న మళ్లీ సమర్పించాలని జస్టిస్ తీర్థంకర్ ఘోష్ పిటిషనర్ల తరఫు లాయర్కు సూచించారు.
కాగా, ఈ ఏడాది ఆగస్ట్ 9న ఆర్జీకర్ మెడికల్ కాలేజీ అండ్ హాస్పిటల్లోని సెమినార్ హాల్లో ట్రైనీ డాక్టర్ డెడ్బాడీ లభ్యమైంది. అత్యాచారం తర్వాత ఆమె హత్యకు గురైనట్లు పోలీసులు నిర్ధారించారు. ఈ ఘటనపై అప్పట్లో దేశవ్యాప్తంగా ఆందోళనలు రేకెత్తాయి.
