‘మాకేం.. ప్రభుత్వ ఉద్యోగులం. సర్కార్లు ఐదేళ్లకోసారి మారతాయేమో గానీ మేం మాత్రం పాతిక, ముప్పై ఏళ్ల పాటు కుర్చీలోనే ఉంటాం. మమ్మల్ని ఎవరూ ఏం చేయలేరు. మీ ఇష్టమొచ్చిన చోట చెప్పుకోండి’.. ఇదీ చాలా మంది గవర్నమెంట్ ఎంప్లాయ్స్లో ఉండే ఫీలింగ్. సెంట్రల్ గవర్నమెంట్ స్టాఫ్లో అయితే ఈ ధీమా మరీ ఎక్కువ.
‘వాళ్లకేంటండీ.. సర్కారీ బాబులు. పనిచేసినా చేయకున్నా ఒకటో తారీఖున ఠంచన్గా శాలరీ వస్తుంది. ఐదేళ్లకోసారి జీతాలు పెరుగుతాయి. ఆఫీసుకు వచ్చినా రాకున్నా వాళ్లను అడిగేవాళ్లు లేరు. అందుకే దేశం ఇలా తయారైంది. ఈ దుస్థితి ఎప్పుడు మారుతుందో?’.. ఇదీ మెజారిటీ జనంలో నెలకొన్న అసంతృప్తి, ఆగ్రహం.
కానీ.. పైన చెప్పుకున్న ఈ పరిస్థితులు మారే రోజులు మరెంతో దూరంలో లేవు. ప్రజలకు ‘అచ్ఛే దిన్’ తెచ్చేందుకు మోడీ ప్రభుత్వం రెడీ అవుతోంది. సిన్సియర్గా పనిచేసే సెంట్రల్ గవర్నమెంట్ ఉద్యోగులకు మెరిట్, పనితీరు ఆధారంగా జీతభత్యాలు, ప్రమోషన్లు నిర్ణయించే సిస్టమ్ను అమల్లోకి తేనుంది. ఆఫీసర్లు ఎలా పనిచేస్తున్నారనే దానిపై పబ్లిక్ ఇచ్చే ఫీడ్బ్యాక్ను కూడా పరిగణనలోకి తీసుకోనుంది. దీన్నిబట్టి ఇది పని దొంగలకు తప్ప అందరికీ గుడ్ న్యూసేనని చెప్పొచ్చు.
ఉద్యోగులకు శాలరీలు, ఇంక్రిమెంట్లు, టీఏ, డీఏ వంటి ఇన్సెంటివ్స్ ఎంత పెంచాలో సూచించేందుకు కేంద్రం ఐదేళ్లకోసారి పే కమిషన్లను నియమించడం సర్వసాధారణం. పెరిగిన నిత్యవసరాల రేట్లకు అనుగుణంగా పే కమిషన్లు రికమండేషన్లు చేసేవి. అయితే సెంట్రల్ గవర్నమెంట్ ఈ పద్ధతికి ఇక గుడ్బై చెప్పనుందనే వార్తలు వస్తున్నాయి. ఈ పాత విధానానికి ఫుల్ స్టాప్ పెట్టి, దాని ప్లేసులో కొత్తగా ఆక్రాయిడ్ ఫార్ములాను ప్రవేశపెట్టనుందని ఢిల్లీ వర్గాలు అంటున్నాయి.
సెవెన్త్ పే కమిషనే చివరిదా?
7వ పే కమిషన్ రికమండేషన్లను కేంద్రం 2016 జూన్ 29న ఓకే చేసింది. దీంతో సెంట్రల్ గవర్నమెంట్ ఉద్యోగుల కనీస శాలరీ (నెలకు) రూ.7 వేల నుంచి రూ.18 వేలకు పెరిగింది. పే బ్యాండ్లు, గ్రేడ్ పే, ఇన్సెంటివ్లు, పెన్షన్లు తదితరాలను కొత్త పే మ్యాట్రిక్స్ ప్రకారమే అందించారు. కేంద్ర ప్రభుత్వ ఉద్యోగుల జీతాలను పదేళ్లకోసారి కాకుండా క్రమంతప్పకుండా పెంచాలని కూడా సెవెన్త్ పే కమిషన్ సూచించింది. ఆక్రాయిడ్ ఫార్ములా అమల్లోకొస్తే ఈ కమిషనే చివరిది కానుంది. ఇకపై శాలరీలు పెంచడంలో పనితీరే టాప్ ప్రయారిటీ అవుతుంది.
పనిచేయకుంటే ఇంటికే!
మోడీ సర్కారు అమల్లోకి తీసుకువస్తుందని భావిస్తున్న న్యూ రేటింగ్ ఫార్ములాతో పని దొంగలు దారిలోకి వస్తారని ప్రజలు భావిస్తున్నారు. వాళ్లు ఇకపై ఒళ్లు దాచుకోకుండా డ్యూటీ చేస్తారని చెబుతున్నారు. పద్ధతి మార్చుకోనివాళ్లను ప్రభుత్వం పర్మనెంట్గా ఇంటికి పంపిస్తుందని ఆశిస్తున్నారు. కేంద్ర హోం శాఖ లెక్కల ప్రకారం గత ఐదు నెలల్లో 1083 మంది కింది స్థాయి సిబ్బంది కొలువులు కోల్పోయినట్లు సమాచారం. కొత్త సిస్టమ్ వస్తే ఈ డ్రైవ్ ఊపందుకోనుందని, బ్యూరోక్రసీ ఆలోచనలు పూర్తిగా పాజిటివ్గా మారతాయని చెప్పొచ్చు.
ఎవరీ ఆక్రాయిడ్?
ఆక్రాయిడ్ ఫార్ములా ప్రకారం సెంట్రల్ గవర్నమెంట్ ఉద్యోగుల జీతాలను ఇన్ఫ్లేషన్(ద్రవ్యోల్బణం)తోపాటు వాళ్ల ఫెర్ఫార్మెన్స్తో లింక్ చేస్తారు. ఈ సూత్రాన్ని వాలస్ రడెల్ ఆక్రాయిడ్ అనే ప్రముఖ ఇంటర్నేషనల్ న్యూట్రిషనిస్ట్ రికమండేషన్ల మేరకు రూపొందించారు. ఈయన యునైటెడ్ నేషన్స్ ఆర్గనైజేషన్ అనుబంధ సంస్థ ‘ఫుడ్ అండ్ అగ్రికల్చరల్ ఆర్గనైజేషన్’లో న్యూట్రిషన్ డివిజన్ తొలి డైరెక్టర్. ఆక్రాయిడ్ మన దేశంలోని సామాన్యుల జీవితాలను ప్రభావితం చేసే తిండి, బట్టల రేట్లలో మార్పులను దృష్టిలో పెట్టుకొని రికమండేషన్లు చేశారు.
