వాషింగ్టన్: అక్రమ వలసదారులను తరలించేందుకు సైనిక విమానాలను వాడొద్దని అమెరికా నిర్ణయించింది. మిలటరీ విమానాల వాడకంతో భారీగా ఖర్చు అవుతోందని, అది తగ్గించుకునేందుకే ప్రెసిడెంట్ డొనాల్డ్ ట్రంప్ ఈ నిర్ణయానికి వచ్చారని వాల్ స్ట్రీట్ జర్నల్ ఓ కథనం ప్రచురించింది. డిపోర్టేషన్ ఆపరేషన్కు సైనిక విమానాలను వినియోగించడం వల్ల పెద్ద మొత్తంలో ఖర్చవుతోందని ప్రెసిడెంట్ ఈ నిర్ణయానికి వచ్చినట్లు పేర్కొంది. చివరిసారిగా మార్చి 1న ఒకే సైనిక విమానం షెడ్యూల్ అయిందని, ఆపై మరో విమానాన్ని కేటాయించలేదని తెలిపింది.
ఇది చాలా కాస్ట్లీ ప్లాన్..
అక్రమ వలసదారుల తరలింపు ప్రాసెస్ను యూఎస్ హోంల్యాండ్ సెక్యూరిటీ విభాగం పర్యవేక్షిస్తోంది. ఇది సాధారణంగా బిజినెస్ ప్లేన్లను వినియోగిస్తున్నప్పటికీ, అక్రమ వలసలపై ట్రంప్ కఠినంగా ఉన్నారనే సందేశం ఇచ్చేందుకు మిలటరీ విమానాలను వాడింది. ఆపరేషన్లో భాగంగా గ్వాంటనామో, పెరూ, హోండూరస్, భారత్ తదితర దేశాలకు వందలాది మంది అక్రమ వలసదారులను తరలించింది.
గ్వాంటనామోకు తరలించేందుకు ఒక్కో వ్యక్తికి 20 వేల డాలర్లు ఖర్చయినట్లు అంచనా. సాధారణ ప్లేన్ టికెట్తో పోలిస్తే ఇది చాలారెట్లు ఎక్కువ. మామూలు విమానాలకు గంటకు 17 వేల డాలర్లు ఖర్చువుతుంటే, డిపోర్టేషన్కు వాడిన సీ17 విమానాల్లో గంటకు 28,500 డాలర్లు ఖర్చవుతోంది. భారత్కు తరలించిన ఒక్కో విమానానికి 3 మిలియన్ డాలర్లు ఖర్చయింది. ఈ లెక్కలన్నీ యూఎస్ ట్రాన్స్పోర్టేషన్ సర్వీస్ తెలిపినట్లు వాల్స్ట్రీట్ జర్నల్ రిపోర్టు వెల్లడించింది.
