ఉక్రెయిన్పై యుద్ధాన్ని నిరసిస్తూ రష్యాకు వ్యతిరేకంగా ఆందోళనలు కంటిన్యూ అవుతున్నాయి. ఇదే సమయంలో రష్యన్ టెన్నిస్ ప్లేయర్ ఆండ్రీ రుబ్లెవ్ కూడా తమ దేశానికి గట్టి సందేశం ఇచ్చాడు. దుబాయ్లో జరుగుతున్న దుబాయ్ టెన్నిస్ చాంపియన్ షిప్ లో పాల్గొన్న ఆండ్రీ.. సెమీ ఫైనల్ మ్యాచ్ గెలిచిన తర్వాత.. తనను షూట్ చేస్తున్న కెమెరా వద్దకు వచ్చి.. నో వార్ ప్లీజ్ అంటూ కెమెరా గ్లాస్పై రాశారు.
ఉక్రెయిన్పై యుద్ధాన్ని రష్యా ప్రజలు కూడా వ్యతిరేకిస్తున్నారు. రష్యాలో వేల మంది రోడ్లపైకి వచ్చి నిరసన తెలుపుతున్నారు. పుతిన్కు వ్యతిరేకంగా నినాదాలు చేస్తున్నారు. యుద్ధం ఆపాలని డిమాండ్ చేస్తున్నారు. ఈ నిరసనలకు సంబంధించి ఇప్పటివరకు 850 మందిని రష్యా భద్రతాబలగాలు అదుపులోకి తీసుకున్నాయి.
అటు అమెరికాలోని టైమ్ స్క్వేర్ దగ్గర ఉక్రెయిన్కు మద్దతుగా పెద్ద ర్యాలీ తీశారు. అమెరికన్లు, ఉక్రెయిన్కు చెందిన ప్రజలు.. కార్లకు ఉక్రెయిన్ జెండాలు పెట్టి భారీ ర్యాలీ తీశారు. రష్యా.. ఉక్రెయిన్పై యుద్ధం ఆపాలని డిమాండ్ చేశారు.
ఆస్ట్రియా రాజధాని వియన్నాలోనూ ప్రజలు రోడ్ల మీదకు వచ్చారు. ఉక్రెయిన్పై రష్యా వార్ ఆపాలంటూ ప్లకార్డులు ప్రదర్శించారు. ఉక్రెయిన్ జెండాలతో పుతిన్కు వ్యతిరేకంగా నినాదాలు చేశారు. ఉక్రెయిన్ ప్రజలకు తమ మద్దతు ఉంటుందన్నారు.
జార్జియా రాజధాని టిబిలిసిలో ప్రజలంతా రోడ్ల మీదకు వచ్చారు. రష్యాకు వ్యతిరేకంగా, ఉక్రెయిన్కు మద్దతుగా నినాదాలు చేశారు. మేమంతా మీ కోసం ఇక్కడ ప్రార్థిస్తున్నామని చెప్పారు. జార్జియాలోని రష్యా అనుకూల ప్రభుత్వం ఉక్రెయిన్కు మద్దతు ఇవ్వొద్దని నిర్ణయించిందని.. కానీ మేమంతా ఉక్రెయిన్కు సహాయం చేయడానికి ప్రయత్నిస్తామన్నారు.
Russian tennis player Andrey Rublev writes "No war please" on the camera following his advancement to the final in Dubai. pic.twitter.com/GQe8d01rTd
— TSN (@TSN_Sports) February 25, 2022
For More News..
