90వ దశాబ్దంలో సచిన్ టెండూల్కర్, వినోద్ కాంబ్లీ వంటి దిగ్గజాలతో కలిసి క్రికెట్ ఆడిన మాజీ క్రికెటర్ ప్రశాంత్ వైద్య ఇప్పుడు న్యాయపరమైన చిక్కుల్లో చిక్కుకున్నాడు. నాన్ బెయిలబుల్ అరెస్ట్ వారెంట్‌ను అమలు చేయడంతో బుధవారం నాగ్‌పూర్ పోలీసులు అతన్ని అరెస్ట్ చేశారు. చెక్ బౌన్స్ ఘటనలో ప్రమేయం ఉన్నందున అతనిపై వారెంట్ జారీ చేయబడింది. మొత్తం రూ 1.9 కోట్ల మొత్తం బౌన్స్ అయిన తొమ్మిది చెక్కులకు సంబంధించి బజాజ్ నగర్ పోలీస్ స్టేషన్ అతనిపై వారెంట్‌ని అమలు చేసింది.
నివేదికల ప్రకారం ప్రశాంత్ వైద్య స్థానిక వ్యాపారి నుండి స్టీల్ కొనుగోలు చేసి చెల్లింపుగా చెక్కు ఇచ్చాడు. అయితే చెక్కు బౌన్స్ కావడంతో వ్యాపారి నుంచి తాజాగా చెల్లింపుల కోసం డిమాండ్ వచ్చింది. డిమాండ్ ఉన్నప్పటికీ, వైద్య ఉద్దేశపూర్వకంగా అంగీకరించడానికి నిరాకరించారు. దీంతో సదరు వ్యాపారి చట్టపరమైన చర్య తీసుకోవలసి వచ్చింది. ఈ మాజీ క్రికెటర్ ను కోర్ట్ కు హాజరు పర్చే ముందు ష్యూరిటీ బాండ్‌పై విడుదల చేశారు.
1967లో జన్మించిన ప్రశాంత్ వైద్య..పేస్ బౌలర్ గా భారత జట్టులోకి ఎంట్రీ ఇచ్చాడు. బెంగాల్ తరపున దేశీయ క్రికెట్ ఆడి జాతీయ జట్టులో స్థానం సంపాదించాడు. 1995-96 సంవత్సరాల్లో టీమిండియా తరపున నాలుగు వన్డేలు ఆడిన ఈ పేసర్ నాలుగు వికెట్లు పడగొట్టాడు. ఈ సమయంలో భారత క్రికెట్ జట్టులో అత్యంత వేగవంతమైన బౌలర్‌గా పేరు తెచ్చుకున్నాడు. 56 ఫస్ట్-క్లాస్ మ్యాచ్‌ల్లో 171 వికెట్లను తన ఖాతాలో వేసుకున్నాడు. ఆ తర్వాత విదర్భ క్రికెట్ అసోసియేషన్ కోచింగ్ అకాడమీని అభివృద్ధి చేయడంలో కీలకపాత్ర పోషించాడు.
A non-bailable warrant was issued against former international cricketer, Prashant Vaidya, on Wednesday in connection with nine bounced cheques totalling ₹1.9 crore issued in October 2022. https://t.co/BX9nkzL0hK
— The Times Of India (@timesofindia) February 1, 2024
