- రింగ్ రోడ్డు చుట్టూ.. రైల్వే బైపాస్ గుబులు..
- వరంగల్ లో ఎన్హెచ్–163 పొడవున నాన్లేఅవుట్వెంచర్లు
- ప్లాట్లు కొన్న వేల మంది జనాలు
- తాజాగా నష్కల్టు ఎల్లాపూర్రైల్వే బైపాస్ కోసం సర్వే
- ప్రతిపాదిత రూట్ లో వందలాది ప్లాట్లు గల్లంతయ్యే అవకాశం
- అలైన్ మెంట్ మార్చాల్సిందిగా వేడుకోలు
హనుమకొండ, వెలుగు : వరంగల్ రింగ్రోడ్డు (ఎన్హెచ్163 బైపాస్) చుట్టూ ఉన్న నాన్ లేఅవుట్లు, ఓపెన్ ప్లాట్లకు రైల్వే బైపాస్లైన్ గుబులు పట్టుకుంది. 5ఏళ్ల కిందట ప్రతిపాదించిన రైల్వే బైపాస్ తాజాగా తెరమీదకు రావడం, రింగ్ రోడ్డుకు సమాంతరంగా వెళ్తున్నట్లు ఆఫీసర్లు డిజిటల్ మ్యాప్రిలీజ్ చేయడంతో చాలామందిలో టెన్షన్ మొదలైంది. అనేకమంది పేద, మధ్య తరగతి కుటుంబాలు కొనుక్కున్న ప్లాట్లు ఈ బైపాస్లైన్కింద పోయే అవకాశం ఉండటంతో జనాల్లో ఆందోళన వ్యక్తమవుతోంది. దీంతో బైపాన్అలైన్మెంట్మార్చాలని బాధితులు వేడుకుంటున్నారు. ఈ మేరకు లీడర్లు, ఆఫీసర్లకు వినతులు సమర్పిస్తున్నారు.
రింగ్రోడ్డుకు సమాంతరంగా..
సౌత్ సెంట్రల్రైల్వేలో ఉత్తర, దక్షిణ భారతాన్ని కలిపే వారధి కాజీపేట జంక్షన్. వందలాది టైన్ల రాకపోకలతో నిత్యం ట్రాఫిక్ ఎక్కువగా ఉంటుంది. గూడ్స్రైళ్లు స్టేషన్లోకి రాకుండా మళ్లించేందుకు నష్కల్టు ఎల్లాపూర్, అక్కడి నుంచి వంచనగిరి వరకు రైల్వే బైపాస్లు ప్రతిపాదించారు. కొద్దిరోజుల కింద నష్కల్టు ఎల్లాపూర్ లైన్కోసం ఆఫీసర్లు 25 కిలోమీటర్ల మేర డిజిటల్సర్వే చేపట్టారు. డిజిటల్సర్వే మ్యాప్ప్రకారం రైల్వే బైపాస్ లైన్ నష్కల్నుంచి పెద్దపెండ్యాల శివారు, కొంతదూరం వరంగల్ రింగ్రోడ్డుకు సమాంతరంగా వెళ్తోంది. ఆ మార్గంలోని రాంపూర్, ధర్మసాగర్, ఉనికిచెర్ల, దేవన్నపేట, భీమారం, చింతగట్టు శివారు వరకు, అక్కడి నుంచి కాజీపేట-బల్లార్షా లైన్కు ఆనుకొని ఉన్న ఎల్లాపూర్వరకు పట్టాలు వేయాల్సి ఉంది.
పట్టాల కిందికి ప్లాట్లు..
వరంగల్ రింగ్రోడ్డుకు ఆనుకొని వందల్లో నాన్లేఅవుట్వెంచర్లు వెలిశాయి. చుట్టుపక్కల ఉన్నవన్నీ గ్రేటర్విలీన గ్రామాలే కావడంతో నాన్లేఅవుట్లపై ఆఫీసర్లు పెద్దగా దృష్టి పెట్టలేదు. డెవలప్ మెంట్ పరంగా డిమాండ్ఉన్న ఏరియా కావడంతో చాలా మంది ఇక్కడ ప్లాట్లు కొనుగోలు చేశాయి. ఆఫీసర్ల నుంచి వచ్చిన డిజిటల్మ్యాప్ప్రకారం రైల్వే లైన్కింద వేల మంది ప్లాట్లు కోల్పోయే అవకాశం ఉంది. ప్రభుత్వం పరిహారం ఇచ్చే అవకాశం ఉన్నా.. మార్కెట్ రేట్ ప్రకారం ఉండదని బాధితులు ఆవేదన వ్యక్తం చేస్తున్నారు. అంతగా డిమాండ్ లేని మడిపెల్లి, జయగిరి శివార్ల మీదుగా రైల్వే బైపాస్ ను మళ్లించాలని బాధితులు కోరుతున్నారు.
పేదల భూములు పోతున్నయ్
ఎంతో మంది పేదలు రింగ్రోడ్డు చుట్టూ ప్లాట్లు కొన్నరు. ఇప్పుడు ఈ జాగలళ్ల రైల్వే బైపాస్లైన్వేస్తే వాళ్లంతా తీవ్రంగా నష్టపోతరు. బైపాస్ ను నష్కల్నుంచి ఉనికిచెర్ల, మడిపెల్లి, జయగిరి, చింతగట్టు, మునిపెల్లి శివార్ల మీదుగా వేస్తే ఇటు పబ్లిక్కు, అటు గవర్నమెంటోళ్లకు మంచిది.
- పోలపెల్లి రాజు, దేవన్నపేట
