బాలీవుడ్ ఐటం గర్ల్ నోరా ఫతేహీ నటించిన దిల్బర్ సాంగ్ యూట్యూబ్‌లో 100 కోట్ల వ్యూస్‌ని సొంతం చేసుకుంది. దాంతో ఆమె 100 కోట్ల వ్యూస్ సాధించిన మొదటి ఆఫ్రికన్-అరబ్ యాక్టర్‌గా నిలిచింది. ఈ సక్సెస్‌ని నోరా గ్రాండ్‌గా సెలబ్రేట్ చేసుకుంది. ముంబైలోని టీ-సిరీస్ కార్యాలయంలో కేక్ కట్ చేసి తన విజయాన్ని అందరితో కలిసి పంచుకుంది. అక్కడ చిన్నపిల్లలతో ఏర్పాటు చేసిన ఫ్లాష్ మాబ్‌లో వారితో కలిసి డ్యాన్స్ చేసింది. రికార్డు సృష్టించిన ఈ రీమిక్స్ సాంగ్ 2018లో వచ్చిన సత్యమేవ జయతే సినిమాలోది. దిల్బర్ పాట విడుదలైన మొదటి 24 గంటల్లోనే యూట్యూబ్‌లో 21 మిలియన్ల వీక్షణలను చేరుకుంది. ఇండియాలో ఈ ఘనత సాధించిన మొదటి హిందీ పాటగా ఈ సాంగ్ నిలిచింది.
దీనిపై స్పందించిన నోరా.. ‘ఈ సాంగ్ 100 కోట్ల వ్యూస్ సాధించినందుకు చాలా సంతోషంగా ఉంది. ఈ రోజును నేను ఎప్పటికీ గుర్తుంచుకుంటాను. ఇదంతా ప్రేక్షకుల వల్లే సాధ్యమైంది’ అని ఆమె అన్నారు.
