నిజామాబాద్, వెలుగు: నిజామాబాద్ పార్లమెంట్ స్థానంలో నోటాకు 4,440 ఓట్లు పడగా పోస్టల్ బ్యాలెట్ వచ్చిన 414 ఓట్లు చెల్లలేదు. మంగళవారం పొద్దున 8 గంటల వరకు అందిన వాటితో కలిపి 7,780 పోస్టల్, సర్వీస్ బ్యాలెట్లు అందాయి. వాటిలో చెల్లని ఓట్లను తీసి కౌంటింగ్ నిర్వహించారు. ఈవీఎం మొత్తం ఓట్లు 12,26,215 నోటా ఓట్లు వేరుగా లెక్కించారు. పార్లమెంట్ సెగ్మెంట్లో మొత్తం 29 మంది అభ్యర్థులు పోటీ చేశారు.
27 మంది డిపాజిట్ కూడా గల్లంతు
పోటీ చేసిన వారిలో బీజేపీ క్యాండిడేట్ అర్వింద్ గెలవగా ఆయన సమీప ప్రత్యర్థి తాటిపర్తి జీవన్రెడ్డి ఓడిపోయారు. బీఆర్ఎస్ అభ్యరి బాజిరెడ్డి గోవర్ధన్ సహా మిగితా 27 మందికి డిపాజిట్ రాలేదు. ఇండిపెండెంట్ గంటా చరితారావుకు 5,710 ఓట్లు, అలయెన్స్ డెమొక్రటిక్ రీఫార్మ్స్ పార్టీ అభ్యర్థి యుగంధర్ గట్లకు 5,453 ఓట్లు లభించాయి. ఇండిపెండెంట్ కోటగిరి శ్రీనివాస్కు 5,312, బీఎస్పీ అభ్యర్థి పుప్పాల లింబాద్రికి 4,263, ధర్మసమాజ్ పార్టీ క్యాండిడేట్ కందెల సుమన్కు 3,886 ఓట్లు లభించగా మరో నలురికి నాలుగంకెల ఓట్లు పొందారు. ప్రశాంత్ కత్రీజీ అనే ఇండిపెండెంట్కు అందరికంటే అతి తక్కువ 284 ఓట్లు లభించాయి.
