- జారీ చేసిన ఏక్మామిడి పంచాయతీ సెక్రటరీ
వికారాబాద్, వెలుగు: సినీ నటుడు అలీకి వికారాబాద్ జిల్లా నవాబుపేట మండలం ఏక్మామిడి గ్రామ పంచాయతీ సెక్రటరీ నోటీసులు జారీ చేశారు. గ్రామ పరిధిలోని సర్వే నంబర్ 345లో అలీకి ఫాంహౌస్ ఉంది. అలాగే, అలీ పేరిట భూమి ఉంది. అందులో ఎలాంటి అనుమతులు తీసుకోకుండా నిర్మాణాలు చేపడుతున్నారని ఏక్ మామిడి గ్రామ పంచాయతీ కార్యదర్శి శోభారాణి నోటీసులు ఇచ్చారు. పంచాయతీలో అనుమతి తీసుకోవాలని పేర్కొన్నారు.
ఆ నిర్మాణాలపై ఈ నెల 5న మొదటిసారి, 22న రెండోసారి నోటీసులు జారీ చేసినట్టు చెప్పారు. ఆదివారం మరోసారి ఆ ఫాం హౌస్ లో పనిచేసే వారికి నోటీసులు అందించారు. 3 రోజుల్లో సంబంధిత పత్రాలు అందజేయాలని శోభారాణి కోరారు. లేకపోతే తగిన చర్యలు తీసుకుంటామని తెలిపారు.
