ఎండీ హోమియో వైద్య సీట్ల భర్తీకి వెబ్ ఆప్షన్లకు కాళోజి నారాయణ రావు ఆరోగ్య విజ్ఞాన విశ్వ విద్యాలయం నోటిఫికేషన్ విడుదల చేసింది. పీజీ హోమియో కోర్సులో యాజమాన్య కోటా సీట్లను ఈ ప్రకటన ద్వారా భర్తీ చేయనున్నారు. అభ్యర్థుల నమోదు చేసిన వన్ టైం ఆప్షన్ల ద్వారా అన్ని విడతల కౌన్సిలింగ్ లకు సీట్ల కేటాయింపులు జరుపనున్నారు. అర్హులైన అభ్యర్థులు ఆన్‌లైన్‌లో ఈ నెల 22వ తేదీన ఉదయం 9 గంటల నుంచి 23వ తేదీన సాయంత్రం 6 గంటల వరకు వెబ్ ఆప్షన్లు నమోదు చేసుకోవచ్చు. మరింత సమాచారానికి యూనివర్సిటీ వెబ్‌సైట్‌ను సంప్రదించాలని యూనివర్సిటీ వర్గాలు ఇవాళ విడుదల చేసిన ఒక ప్రకటనలో తెలిపాయి.
