వికారాబాద్, వెలుగు: ప్రభుత్వ గురుకులాల్లో ప్రవేశాల కోసం విద్యార్థులు ఆన్ లైన్లో దరఖాస్తులు చేసుకోవాలని వికారాబాద్ కలెక్టర్ ప్రతీక్ జైన్ బుధవారం ఒక ప్రకటనలో తెలిపారు.2025–26 విద్యా సంవత్సరంలో వివిధ గురుకులాల్లో ప్రవేశాల కోసం ప్రభుత్వం ఫిబ్రవరి 23న కామన్ ఎంట్రన్స్ టెస్ట్ నిర్వహిస్తుందన్నారు.
ఆసక్తి గల అభ్యర్థులు https://tgcet.cgg.gov.in ద్వారా ఫిబ్రవరి ఒకటో తేదీ లోపు దరఖాస్తులు చేసుకోవాలని సూచించారు. దరఖాస్తుకు క్యాస్ట్, ఇన్కమ్, ఆధార్, బర్త్ సర్టిఫికెట్ నంబర్తోపాటు ఫొటో అవసరమన్నారు.
ఈ ధ్రువీకరణ పత్రాల సత్వర జారీ కోసం కలెక్టరేట్లో సహాయ కేంద్రం ఏర్పాటు చేశామన్నారు. ఉదయం 10 గంటల నుంచి సాయంత్రం 5 గంటల వరకు ఈ కేంద్రం అందుబాటులో ఉంటుందని పేర్కొన్నారు.
