ఇండియన్ నేవీలో 1400 అగ్నివీర్ ఖాళీల భర్తీకి నోటిఫికేషన్ రిలీజ్ అయింది. డిసెంబర్ 8 నుంచి అప్లికేషన్ ప్రాసెస్ ప్రారంభం అవుతుంది. ఇంటర్‌ ఉత్తీర్ణులైన అవివాహిత పురుష, మహిళా అభ్యర్థులు ఆన్లైన్లో అప్లై చేసుకోవచ్చు.
అర్హత: మ్యాథ్స్, ఫిజిక్స్‌ ప్రధాన సబ్జెక్టులుగా కెమిస్ట్రీ/ బయాలజీ/ కంప్యూటర్ సైన్స్‌‌‌‌లో ఏదో ఒక సబ్జెక్టుగా ఇంటర్మీడియట్‌‌‌‌ఉత్తీర్ణులై ఉండాలి. అభ్యర్థి 1 మే 2002 నుంచి 31 అక్టోబర్ 2005 మధ్యలో జన్మించి ఉండాలి. పురుషులు 157 సెం.మీ., స్త్రీలు 152 సెం.మీ. ఎత్తు ఉండాలి.
సెలెక్షన్ ప్రాసెస్: షార్ట్‌‌‌‌లిస్టింగ్, కంప్యూటర్ ఆధారిత ఆన్‌‌‌‌లైన్ పరీక్ష(సీబీఈ), రాత పరీక్ష, శారీరక దారుఢ్య పరీక్ష(పీఎఫ్‌‌‌‌టీ), మెడికల్ టెస్ట్ ఆధారంగా అభ్యర్థుల ఎంపిక ఉంటుంది.
ట్రైనింగ్: అగ్నివీర్‌‌‌‌లుగా ఎంపికైన అభ్యర్థులకు ఒడిశా రాష్ట్రంలోని ఐఎన్‌‌‌‌ఎస్‌ చిల్కాలో వచ్చే ఏడాది మే నెలలో కోర్సు శిక్షణ ప్రారంభమవుతుంది.
ఎగ్జామ్ ప్యాటర్న్: ప్రశ్నపత్రం హిందీ/ ఇంగ్లిష్ భాషల్లో మొత్తం 100 బహుళైచ్ఛిక ప్రశ్నలతో ఒక్కొక్కటి 1 మార్కు చొప్పున 100 మార్కులను కలిగి ఉంటుంది. ఇంగ్లిష్, సైన్స్, మ్యాథమెటిక్స్, జనరల్ అవేర్‌‌‌‌నెస్… నాలుగు విభాగాల్లో ఇంటర్మీడియట్‌ స్థాయిలో ప్రశ్నలుంటాయి. పరీక్ష వ్యవధి ఒక గంట. నెగెటివ్ మార్కింగ్ అమలులో ఉంటుంది. నాలుగు తప్పు సమాధానాలకు ఒక మార్కు కోత విధిస్తారు.
దరఖాస్తులు: అర్హులైన అభ్యర్థులు డిసెంబర్ 8 నుంచి 17 వరకు ఆన్లైన్లో దరఖాస్తు చేసుకోవాలి. వివరాల కోసం www.joinindiannavy.gov.in వెబ్సైట్ సంప్రదించాలి.
