హైదరాబాద్, వెలుగు: ఎంఎన్‌‌‌‌‌‌‌‌జే క్యాన్సర్‌ హాస్పిటల్‌‌‌‌‌‌‌‌లో 45 అసిస్టెంట్ ప్రొఫెసర్ పోస్టుల భర్తీకి మెడికల్ అండ్ హెల్త్ సర్వీసెస్ రిక్రూట్‌‌‌‌‌‌‌‌మెంట్ బోర్డు గురువారం నోటిఫికేషన్ విడుదల చేసింది. సర్జికల్ అంకాలజీ డిపార్ట్‌‌‌‌‌‌‌‌మెంట్‌‌‌‌‌‌‌‌లో 9, రేడియో థెరపీలో 7, అనస్థీషియాలో 5 ఖాళీలు ఉండగా, మిగిలిన 11 డిపార్ట్‌‌‌‌‌‌‌‌మెంట్లలో ఉన్న 24 ఖాళీలకు నోటిఫికేషన్ వెలువరించింది.
ఈ నెల 12 నుంచి 19 తేదీ సాయంత్రం 5 గంటల వరకు https://mhsrb.telangana.gov.inలో దరఖాస్తు చేసుకోవాలని సూచించింది. ఈ పోస్టుల భర్తీకి రాత పరీక్ష, ఇంటర్వ్యూ వంటివి ఉండవని తెలిపింది. అకాడమిక్‌ క్వాలిఫికేషన్‌‌‌‌‌‌‌‌లో వచ్చిన మార్కులకు 80 పాయింట్లు, కాంట్రాక్ట్, ఔట్ సోర్సింగ్‌ సర్వీస్‌‌‌‌‌‌‌‌కు 20 పాయింట్ల వెయిటేజీ కలిపి మెరిట్ లిస్ట్‌‌‌‌‌‌‌‌ను ప్రకటిస్తామని చెప్పింది. ఈ ఉద్యోగాలకు ఎంపికైన డాక్టర్లు, ప్రైవేటు ప్రాక్టీస్ చేయడానికి వీల్లేదని పేర్కొంది.
