339 అసిస్టెంట్ ఇంజినీర్(ఏఈ) పోస్టుల భర్తీకి నోటిఫికేషన్ రిలీజ్

తెలంగాణ రాష్ట్ర విద్యుదుత్పత్తి సంస్థలో 339 అసిస్టెంట్ ఇంజినీర్(ఏఈ) పోస్టుల భర్తీకి టీఎస్ జెన్కో నోటిఫికేషన్ రిలీజ్ చేసింది. బీటెక్‌‌ ఉత్తీర్ణులైన అభ్యర్థులు అక్టోబర్‌‌ 29వ తేదీలోగా ఆన్‌‌లైన్‌‌లో దరఖాస్తు చేసుకోవచ్చు.

అర్హతలు: బ్యాచిలర్స్ డిగ్రీ (ఎలక్ట్రికల్, మెకానికల్, ఎలక్ట్రానిక్స్, సివిల్ ఇంజినీరింగ్లో) ఉత్తీర్ణులై ఉండాలి. వయసు 18 నుంచి 44 సంవత్సరాల మధ్య ఉండాలి. నెలకు రూ.65,600 నుంచి - రూ.1,31,220 జీతం చెల్లిస్తారు.

దరఖాస్తులు: అర్హులైన అభ్యర్థులు ఆన్లైన్లో అక్టోబర్ 7 నుంచి అక్టోబర్ 29 వరకు రూ. 400 అప్లికేషన్ ఫీజు చెల్లించి దరఖాస్తు చేసుకోవాలి.

సెలెక్షన్ ప్రాసెస్: రాత పరీక్ష, సర్టిఫికెట్ల వెరిఫికేషన్, మెడికల్ ఎగ్జామినేషన్ ఆధారంగా అభ్యర్థులను ఎంపిక చేస్తారు. రాత పరీక్ష డిసెంబర్ 3న నిర్వహిస్తారు. పూర్తి వివరాల కోసం www.tsgenco.co.in వెబ్సైట్లో సంప్రదించాలి.

కెమిస్ట్‌‌ పోస్టులు

జెన్కోలో 60 కెమిస్ట్‌‌ పోస్టులను ప్రత్యక్ష, రెగ్యులర్ నియామకాల పద్ధతిలో భర్తీ చేసేందుకు సంస్థ యాజమాన్యం ప్రకటన జారీచేసింది. బీఎస్సీ(కెమిస్ట్రీ), మొదటి శ్రేణిలో ఎంఎస్సీ (కెమిస్ట్రీ/ ఎన్విరాన్‌‌మెంటల్ సైన్సెస్) ఉత్తీర్ణులై ఉండాలి. రాత పరీక్ష, సర్టిఫికెట్ల వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు.

దరఖాస్తులు: అభ్యర్థులు ఆన్లైన్లో అక్టోబర్ 29 వరకు దరఖాస్తు చేసుకోవచ్చు. రాత పరీక్ష డిసెంబర్ 3న నిర్వహిస్తారు. పూర్తి వివరాలకు www.tsgenco.co.in వెబ్సైట్లో సంప్రదించాలి.

మరిన్ని వార్తలు