ఆస్ట్రేలియా ఓపెన్ నుంచి నిష్క్రమించిన జకోవిచ్

ఆట

January 16, 2022

సెర్బియా టెన్నిస్ స్టార్ నొవాక్ జకోవిచ్ ఆస్ట్రేలియా ఓపెన్ నుంచి నిష్క్రమించాడు. వీసా రద్దు విషయంలో ఆస్ట్రేలియా ప్రభుత్వాన్ని సవాల్ చేస్తూ జకోవిచ్ చేసిన అప్పీల్‎ను కోర్టు కొట్టివేసింది. దీంతో 21వ గ్రాండ్ స్లామ్ గెలుచుకోవాలన్న జకోవిచ్ ఆశలకు తెరపడింది. వ్యాక్సిన్ సర్టిఫికెట్ లేదన్న కారణంగా జనవరి 6న ఆస్ట్రేలియా ప్రభుత్వం జకోవిచ్ వీసాను రద్దు చేసింది. అప్పటి నుంచి మెల్‎బోర్న్ లోని ఇమ్మిగ్రేషన్ డిటెన్షన్ హోటల్‎లో జకోవిచ్ ఉన్నాడు. వీసా కోసం ఆస్ట్రేలియా ప్రభుత్వాన్ని రెండోసారి వేడుకున్నాడు. అయినా ఆస్ట్రేలియా ప్రభుత్వం అనుమతివ్వలేదు. ప్రభుత్వ నిర్ణయాన్ని సవాల్ చేస్తూ కోర్టుకెళ్లిన జకోవిచ్‎కు అక్కడ కూడా నిరాశే ఎదురైంది.