బెల్‌‌‌‌‌‌‌‌గ్రేడ్‌ (సెర్బియా): టెన్నిస్ లెజెండ్ నొవాక్ జొకోవిచ్‌ ఈ సీజన్ ఎండింగ్ ఏటీపీ ఫైనల్స్‌
టోర్నమెంట్‌‌‌‌‌‌‌‌లో బరిలోకి దిగడం లేదు. డిఫెండింగ్ చాంపియన్‌ అయిన నొవాక్ గాయం కారణంగా ఈ టోర్నీ నుంచి తప్పుకుంటున్నట్టు మంగళవారం ప్రకటించాడు. ఈ మేరకు ఇన్‌‌‌‌‌‌‌‌స్టాగ్రామ్‌‌‌‌‌‌‌‌లో స్టోరీని పోస్ట్‌ చేశాడు. తనకు ఎలాంటి గాయం అయిందనే విషయాన్ని మాత్రం వెల్లడించలేదు. టోర్నీలో తన ఆట చూడాలని ఎదురుచూస్తున్న అభిమానులకు జొకో క్షమాపణలు చెప్పాడు. ఎనిమిదిమంది ఆటగాళ్లు పోటీ పడే ఏటీపీ ఈవెంట్‌ ఆదివారం ఇటలీలోని టూరిన్‌‌‌‌‌‌‌‌లో మొదలవుతుంది. ఈ మెగా ఈవెంట్‌‌‌‌‌‌‌‌లో రికార్డు స్థాయిలో ఏడుసార్లు టైటిల్ గెలిచిన జొకోవిచ్‌.. గతేడాది జానిక్ సినర్‌‌‌‌‌‌‌‌‌‌‌‌‌‌‌‌ను ఓడించి విజేతగా నిలిచాడు.
