- యాసంగికి విద్యుత్ శాఖ ముందస్తు ప్లాన్
- 689 అగ్రికల్చర్కనెక్షన్లు మంజూరు
కామారెడ్డి, వెలుగు: ఎండకాలంలో ఎలాంటి పవర్ కట్లు లేకుండా మెరుగ్గుగా కరెంట్ సప్లయ్ చేసేందుకు ఎన్పీడీసీఎల్ అధికారులు ముందస్తు ప్లాన్ రూపొందించారు. జిల్లావ్యాప్తంగా ఇప్పటికే ఇందుకు సంబంధించి పనులు ప్రారంభించారు. జిల్లాలో భూగర్భజలాల మీద ఆధారపడే ఎక్కువగా పంటల సాగు జరుగుతుంది. కాబట్టి యాసంగి సీజన్లో కరెంట్డిమాండ్ ఎక్కువగా ఉంటుంది. ఎండకాలంలోకమర్షియల్, డొమెస్టిక్ కరెంట్వినియోగం కూడా పెరుగుతుంది. దీంతో డిమాండ్కు తగ్గట్టు సప్లై చేసేందుకు చర్యలు తీసుకుంటున్నారు. ఇందులో భాగంగా సబ్ స్టేషన్లలో పవర్ ట్రాన్స్ఫార్మర్ల మార్పు, కొత్త ట్రాన్స్ఫార్మర్ల ఏర్పాటు, లైన్ల మార్పు, కెపాసిటర్లు అమర్చటం వంటి పనులు చేపట్టారు.
డిమాండ్కు తగ్గట్టు...
జిల్లాలో మొత్తం 4,36,354 విద్యుత్కనెక్షన్లు ఉన్నాయి. ఇందులో 1.12, 247 అగ్రికల్చర్ కనెక్షన్లు. ప్రస్తుతం రోజు 4.5 మిలియన్ యూనిట్స్ నుంచి 5 మిలియన్ యూనిట్స్ వరకు కరంటు డిమాండ్ఉంది. బుధవారం జిల్లాలో 5 మిలియన్ యూనిట్ల కరంటు వినియోగించారు. ఎండకాలంలో వినియోగం 6 నుంచి 6.5 మిలియన్ యూనిట్స్ వరకు పెరుగుతుంది. యాసంగిలో బోర్ల కిందనే దాదాపు 2 లక్షల ఎకరాల్లో వరి సాగు చేస్తారు. వరికి నీటి అవసరం ఉంటుంది కాబట్టి బోర్లు ఆగకుండా నడుస్తుంటాయి. దీంతో డిమాండ్ పెరిగి తరచూ సరఫరాలో అంతరాయాలు వస్తుంటాయి. ఈ సమస్య రాకుండా ముందుగానే సప్లై సిస్టమ్లో లోపాలు చక్కదిద్దుతున్నారు. సబ్స్టేషన్ల వారీగా ట్రాన్స్ఫార్మర్ల సామర్థ్యం పెంచుతున్నారు.
లైన్ల మార్పు
జిల్లాలో 33/11 కేవీ సబ్స్టేషన్లు 132 ఉన్నాయి. వీటి పరిధిలో వివిధ కెపాసిటీ కలిగిన 34,631 ట్రాన్స్ఫార్మర్లు ఉన్నాయి. కరంటు వినియోగం పెరిగినప్పుడు ట్రాన్స్ఫార్మర్లు, సబ్ స్టేషన్లలోని పవర్ ట్రాన్స్ఫార్మర్ల మీద లోడ్పెరిగి సప్లయ్లో అంతరాయం ఏర్పడుతోంది. ఈ సమస్య తీర్చేందుకు కలెక్టరేట్ దగ్గరున్న 33/11 కేవీ సబ్స్టేషన్లో, అన్నారం, ఎల్లంపేట సబ్స్టేషన్లలో కొత్తగా పవర్ ట్రాన్స్ఫార్మర్లను బిగించారు. కామారెడ్డి టౌన్లో లైన్ల మార్పిడి చేపట్టారు. కామారెడ్డి సబ్ స్టేషన్లో లోపాలు తలెత్తితే మరో చోటి నుంచి సప్లయ్ జరిగేలా లైన్లు మార్చి, కెపాసిటర్లు బిగించారు. బాన్సువాడ, ఎల్లారెడ్డి, లింగంపేటల్లో లైన్లు మార్చారు. కామారెడ్డి, ఎల్లారెడ్డి, బాన్స్వాడలతోపాటు పలు గ్రామాల్లో కొత్తగా 52 డిస్ట్రిబ్యూటరీ ట్రాన్స్ఫార్మర్లను బిగించారు.
జిల్లాలో కామారెడ్డి టౌన్, తాడ్వాయి మండలం చిట్యాల, బాన్సువాడ మండలం బోర్లంలలో కొత్తగా 33/11 సబ్స్టేషన్లు శాంక్షన్ అయ్యాయి. డిసెంబర్లో జిల్లాలో కొత్తగా 689 అగ్రికల్చర్ కనెక్షన్లు శాంక్షన్చేశారు. మరో 1200 అప్లికేషన్లు పెండింగ్లో ఉన్నాయి. ఎన్పీడీసీఎల్ పరిధిలో అగ్రికల్చర్ కనెక్షన్ల శాంక్షన్లో కామారెడ్డి టాప్లో ఉంది. కొత్త కనెక్షన్లకు తగ్గట్టు ట్రాన్స్ఫార్మర్ల ఏర్పాటు చేస్తున్నారు.
