- టీడీఎఫ్ సేవ ప్రాజెక్ట్ కింద అధునాతన వైద్య పరికరాలు అందజేత
పద్మారావునగర్, వెలుగు: అమెరికాకు చెందిన ఎన్ఆర్ఐ డాక్టర్ దివేశ్ ఆర్ అనిరెడ్డి ఔదార్యం చాటుకున్నారు. తెలంగాణ డెవలప్మెంట్ ఫోరం ఆరోగ్య సేవ ప్రాజెక్టులో భాగంగా గాంధీ దవాఖానలోని గ్యాస్ట్రో ఎంట్రాలజీ డిపార్ట్మెంట్కు ఆధునాతన వైద్య పరికరాలను అందజేశారు. రూ.27 లక్షలతో ఆస్ట్రేలియా నుంచి తెప్పించిన ‘ఏసోఫెగల్ అండ్ అనల్ మనోమెట్రీ మిషన్’ను గాంధీ మెడికల్ కాలేజీ ప్రిన్సిపల్ ఇందిర, హాస్పిటల్ సూపరింటెండెంట్ రాజకుమారి, గ్యాస్ర్టోఎంట్రాలజీ డిపార్డుమెంట్ హెచ్ఓడీ డా.శ్రవణ్ కుమార్ కలిసి గురువారం ప్రారంభించారు.
ఈ మెడికల్ ఎక్విప్ మెంట్తో పేషెంట్లకు మరింత మెరుగైన వైద్య సేవలు అందించవచ్చన్నారు. కార్యక్రమంలో ఆర్ఎంఓ-1 డా. శేషాద్రి, కిమ్స్వైద్య నిపుణులు డాక్టర్నితీశ్ ప్రతాప్, టీడీఎఫ్ ప్రెసిడెంట్ రాజేశ్వర్ రెడ్డి, యూఎస్ఏ బోర్డు మెంబర్ డోకూరు సదానంద్, ప్రగతి వెల్ఫేర్ సొసైటీ సభ్యులు పాల్గొన్నారు.
