- ఎన్టీఆర్ ట్రస్ట్ ఆధ్వర్యంలో వచ్చే నెల 15న విజయవాడలో..
- ఆ తర్వాత హైదరాబాద్, రాజమండ్రిలో షోలు
జూబ్లీహిల్స్, వెలుగు : తలసేమియా బాధితులకు అండగా నిలిచేందుకు ఎన్టీఆర్ ట్రస్ట్ ముందుకు వచ్చింది. తలసేమియాపై అవగాహన కల్పించేందుకు వచ్చే నెల 15న విజయవాడ ఇందిరాగాంధీ ఇంటర్నేషనల్ స్టేడియంలో ప్రముఖ సంగీత దర్శకుడు ఎస్.ఎస్.తమన్టీమ్తో ‘యుఫోరియా మ్యూజికల్ నైట్’ నిర్వహిస్తోంది. దీనికి సంబంధించిన వివరాలను జూబ్లీహిల్స్లోని ఆఫీసులో ఎన్టీఆర్ ట్రస్ట్మేనేజింగ్ట్రస్టీ నారా భువనేశ్వరి మంగళవారం వెల్లడించారు.
యుఫోరియా మ్యూజికల్నైట్ ద్వారా వచ్చే ప్రతి రూపాయిని తలసేమియా బాధితుల ట్రీట్మెంట్కు వినియోగించనున్నట్లు తెలిపారు. ట్రీట్మెంట్కోసం తలసేమియా బాధితులు ఎన్నో ఇబ్బందులు పడుతున్నారని, వారి సహాయార్థం ఈ కార్యక్రమాన్ని తలపెట్టినట్లు చెప్పారు. మ్యూజికల్ నైట్లో అన్ని సాంగ్స్పాడతారని తెలిపారు. ఏపీ సీఎం చంద్రబాబు నాయుడు, డిప్యూటీ సీఎం పవన్కల్యాణ్ను ఆహ్వానిస్తామని, వారు కూడా టికెట్కొనుక్కునే ఈవెంట్లో పాల్గొంటారని తెలిపారు. విజయవాడ తర్వాత హైదరాబాద్, రాజమండ్రిలోనూ మ్యూజికల్షోలు నిర్వహిస్తామన్నారు.
