వినాయక చవితి వేళ అభిమానులకు యంగ్ టైగర్ ఎన్టీఆర్ అదిరిపోయే గుడ్ న్యూస్ చెప్పారు. ప్రముఖ సోషల్ మీడియా ప్లాట్ఫామ్ ఎక్స్ (ట్విట్టర్) వేదికగా ప్రజలు, అభిమానులకు వినాయక చవితి పండుగ శుభాకాంక్షలు తెలిపిన ఎన్టీఆర్.. ఈ సందర్భంగానే తాను నటించిన లేటేస్ట్ చిత్రం ‘దేవర’ మూవీ ట్రైలర్ రిలీజ్ డేట్పై బిగ్ అప్డేట్ ఇచ్చాడు. అభిమానులు వేయికళ్లతో ఎదురు చూస్తోన్న దేవర సినిమా ట్రైలర్ను ఈ నెల (సెప్టెంబర్) 10వ తేదీన విడుదల చేస్తున్నట్లు ప్రకటించి ఫ్యాన్స్కు కిక్కెంచాడు ఎన్టీఆర్. ఈ మేరకు జూనియర్ ఓ పోస్టర్ను షేర్ చేశాడు.
ఈ పోస్టర్లో ఎన్టీఆర్ ఓ రాయిపై నిలబడి చేతిలో గొడ్డలి వంటి పదునైన ఆయుధం పట్టుకుని సీరియస్‍గా చూస్తుండగా.. వెనక అలలు ఎగిసిపడుతున్నాయి. పూర్తిగా బ్లాక్ అండ్ బ్లాక్లో ఎన్టీఆర్ లుక్ అదిరిపోయింది. ఈ పోస్టర్లో 27.09.24న ప్రపంచ వ్యాప్తంగా దేవర మూవీ విడుదల కానుందని రిలీజ్ డేట్ను అభిమానులకు మరోసారి గుర్తు చేసింది మూవీ యూనిట్. స్వయంగా దేవర ట్రైలర్ రిలీజ్ డేట్పై ఎన్టీఆర్ అనౌన్స్మెంట్ చేయడంతో ఫ్యాన్స్ ఆనందానికి అవధులు లేకుండాపోయాయి. ఈ ట్రైలర్ కోసం ఎంతో అతృతగా ఎదురుచూస్తోన్నట్లు కామెంట్స్ చేస్తున్నారు తారక్ అభిమానులు.
ఇప్పటికే దేవర మూవీ నుండి విడుదలైన టీజర్, సాంగ్స్కు మైండ్ బ్లోయింగ్ రెస్పాన్స్ వచ్చిన సంగతి తెలిసిందే. ముఖ్యంగా దేవర ఫియర్ సాంగ్, చుట్టమల్లే సాంగ్ అయితే ఓ ఊపు ఊపేస్తు్న్నాయి. ఈ పాటలకు అదిరిపోయే రెస్పాన్స్ రావడంతో.. దేవర సినిమాపై మరింత హైప్ క్రియేట్ అయ్యింది. సినిమా విడుదల తేదీ దగ్గర పడుతుండటంతో మూవీ యూనిట్ ప్రమోషన్స్లో స్పీడ్ పెంచింది. ఇందులో భాగంగానే ఇవాళ తారక్ దేవర ట్రైలర్ రిలీజ్ డేట్ అనౌన్స్ చేసినట్లు తెలుస్తోంది. కాగా, ప్రముఖ దర్శకుడు కొరటాల దర్శకత్వంలో తెరకెక్కిన ఈ చిత్రంలో ఎన్టీఆర్ సరసన అతిలోక సుందరి శ్రీదేవి కూతురు జాన్వీ కపూర్ నటిస్తోన్న విషయం తెలిసిందే.
మీకు మీ కుటుంబ సభ్యులకు వినాయక చవితి శుభాకాంక్షలు.
— Jr NTR (@tarak9999) September 7, 2024
Wishing everyone a Happy Ganesh Chaturthi!
DEVARA TRAILER ON SEPT 10TH. pic.twitter.com/mcE2dQm1Pq
