నాంపల్లి ఎగ్జిబిషన్ గ్రౌండ్ ఆదివారం సందర్శకులతో కిక్కిరిసింది. వీకెండ్ కావడంతో నుమాయిష్కు నగరవాసులు పోటెత్తారు. పరిసర ప్రాంతాలన్నీ సందడిగా మారాయి. గాంధీభవన్ మెట్రో స్టేషన్ నుంచే రద్దీ కనిపించింది. డ్రెస్సులు, ఇండ్లలోకి కావాల్సిన వస్తువులు, డ్రైఫ్రూట్స్, ఫ్యాషన్ జ్యువెలరీ, డెకరేషన్ ఐటమ్స్ ఇలా ప్రతి స్టాల్ వద్ద తాకిడి కనిపించింది.
ఫుడ్ జోన్ వద్ద ఎటు చూసినా జనమే ఉన్నారు. మధ్యాహ్నం 3 గంటలు ముందు నుంచే సందర్శకులు వచ్చారని స్టాళ్ల నిర్వాహకులు తెలిపారు. గేమ్ జోన్వద్ద పిల్లలు, తల్లిదండ్రులతో కోలాహలంగా మారింది. ఆదివారం ఒక్కరోజే దాదాపుగా 52 వేల మంది సందర్శకులు వచ్చారని ఎగ్జిబిషన్ సొసైటీ అధికారులు తెలిపారు. శనివారం 46 వేలమంది సందర్శించినట్లు చెప్పారు. నుమాయిష్ ఫిబ్రవరి 15 వరకు కొనసాగనుంది. –వెలుగు, హైదరాబాద్
