బషీర్ బాగ్, వెలుగు: నాంపల్లి ఎగ్జిబిషన్గ్రౌండ్స్లోని నుమాయిష్లో ఏర్పాటు చేసిన అమ్యూజ్మెంట్పార్క్లో గురువారం సాయంత్రం అనుకోని ఘటన జరిగింది. ఎగ్జిబిషన్లో ఏర్పాటు చేసిన రేంజర్లో సాయంత్రం ఆరు గంటలకు సుమారు ఐదుగురు సందర్శకులు ఎక్కారు. అది ఊగుతూ ఊగుతూ గాల్లోనే రివర్స్లో ఆగిపోయింది. దీంతో అందులో కూర్చున్న సందర్శకులు అరుపులు, కేకలు పెట్టారు.
హుటాహుటిన అక్కడికి వచ్చిన పోలీసులు ఏమైందని ఆరా తీయగా, బేరింగ్ ల సమస్యతో రేంజర్ పైకి వెళ్లి ఆగిపోయిందని నిర్వాహకులు తెలిపారు. రిపేర్చేసేందుకు ప్రయత్నిస్తున్నామని, టైం పట్టే అవకాశం ఉందని చెప్పారు. అప్పటికే 15 నిమిషాలు కావడం, సందర్శకులు రేంజర్లో ఏడుస్తూ ఉండడంతో నిర్వాహకుల సాయంతో నిచ్చెన వేసి కిందకు దింపారు.
