యాదాద్రి జిల్లాలో సంక్షేమ హాస్టల్స్​లో స్టూడెంట్స్​ చేర్తలే

• కొన్నింటిలో ఒక్కరూ చేరలేదు
• హాస్టళ్లలో వసతుల లేమి
• పట్టింపులేని ఆఫీసర్లు ఆసక్తి చూపని పేరెంట్స్​

యాదాద్రి, వెలుగు :  సంక్షేమ హాస్టళ్లలో ఏటా స్టూడెంట్ల సంఖ్య తగ్గుతోంది. ఎవరొచ్చిచేరుతారా..? అని ఎదురు చూడాల్సిన పరిస్థితి ఏర్పడింది. చివరకు స్టూడెంట్స్​చేరకపోవడంతో కొన్ని హాస్టల్స్​క్లోజ్​చేయాల్సిన పరిస్థితులు ఏర్పడుతున్నాయి. యాదాద్రి జిల్లాలో ప్రభుత్వ సంక్షేమ హాస్టళ్ల పరిస్థితి నానాటికీ తీసికట్టుగా మారుతోంది. స్థానికంగా ఉండని వార్డెన్లు, ఇన్​చార్జిలు సైతం సిబ్బందికే అన్ని బాధ్యతలు అప్పజెప్పడం, అరకొర వసతులు, నిర్లక్ష్యం కారణంగా హాస్టళ్లలో ఏటా విద్యార్థుల సంఖ్య గణనీయంగా తగ్గిపోతోంది. 

యాదాద్రిలో 49 హాస్టల్స్..

జిల్లాలో 21 ఎస్సీ, 20 బీసీ, 8 ఎస్టీ హాస్టల్స్​ఉన్నాయి. 6,500 మంది స్టూడెంట్స్​కు వసతి కల్పించాల్సి ఉంది. హాస్టళ్లల్లో కనీస సౌకర్యాలు కల్పించడంపై శ్రద్ధ చూపకపోవడంతో విద్యార్థులు చేరడం లేదన్న విమర్శలు వినిపిస్తున్నాయి. ఆలేరు వంటి కొన్నిచోట్ల పాత బిల్డింగ్​లోనే హాస్టల్స్​నడుస్తున్నాయి. పైగా ఫుడ్​విషయంలోనే ఎక్కువగా స్టూడెంట్స్​ ఇబ్బంది పడుతున్నారని తెలుస్తోంది. ఏదో ఒకటి పెడితే చాలు తింటారన్నట్టుగా వ్యవహరించడంతో చేరడానికి స్టూడెంట్స్ ఇంట్రస్ట్​చూపడం లేదు.

పేరెంట్స్​కూడా హాస్టల్స్​లో తమ పిల్లలను చేర్పించడంపై ఆసక్తి కనబర్చడం లేదు. జిల్లాలోని సంక్షేమ హాస్టళ్లలో ఈ ఏడాది మూడు వేలకుపైగా సీట్లు ఖాళీగా ఉండటమే ఇందుకు నిదర్శనం. ఒకప్పుడు హాస్టల్లో సీటు కావాలంటే విద్యార్థుల తల్లిదండ్రులు అధికారుల చుట్టూ తిరిగేవారు. ప్రస్తుతం ఎవరైనా విద్యార్థులు వచ్చి చేరుతారా..? అని ఎదురుచూసే దుస్థితి నెలకొంది. కొన్ని చోట్ల స్టూడెంట్స్​తక్కువగా ఉన్న హాస్టల్స్​ను ఇతర హాస్టల్స్​లో విలీనం చేసేందుకు ప్రయత్నాలు చేస్తున్నారు. మరికొన్ని చోట్ల విలీనం చేసి హాస్టల్స్​​ను క్లోజ్​ చేసిన సంఘటలూ ఉన్నాయి. భువనగిరిలోని ఓ హాస్టల్​లో ఫుడ్​పాయిజన్​ కారణంగా ఒక స్టూడెంట్​చనిపోయిన సంగతి తెలిసిందే. అదే విధంగా బాలికల హాస్టల్​లో ఇద్దరు పదో తరగతి అమ్మాయిలు సూసైడ్​చేసుకున్నారు. 

కొన్ని హాస్టల్స్​లో ఒక్కరూ చేరలే..

జిల్లాలోని కొన్ని హాస్టల్స్​లో ఒక్క స్టూడెంట్​ కూడా ఈ ఎడ్యుకేషన్​ఇయర్​లో చేరలేదు. 21 ఎస్సీ హాస్టల్స్​ ఉన్నాయి. సీతారాంపురం, వలిగొండలోని హాస్టల్స్​​లో వంద మంది స్ట్రెంత్​ ఉండాల్సి ఉండగా, ఒక్కరూ చేరలేదు. అదే విధంగా బీసీ హాస్టల్స్​లో 20 ఉండగా, మోత్కూరు, తుర్కపల్లి, వలిగొండ, ఆలేరు, రామన్నపేట, చౌటుప్పల్​లోని హాస్టల్స్​లో ఒక్కరూ చేరలేదు. ఇందులో మోత్కూరులోని బీసీ హాస్టల్​ను మూసి వేశారు. ఎవరూ చేరని మరికొన్ని హాస్టల్స్​ను మూసి వేయడానికి రంగం సిద్ధం చేస్తున్నట్టుగా తెలుస్తోంది. ఎస్టీ హాస్టల్స్​ పరిస్థితి ఇందుకు భిన్నంగా ఏమీ లేదు. 8 హాస్టల్స్​ఉండగా, దాదాపు 600 మంది స్టూడెంట్స్​ఉన్నారు. మరికొన్ని హాస్టల్స్​లో 30 నుంచి 60 మంది వరకు స్టూడెంట్స్​మాత్రమే ఉన్నారు.

భువనగరిలోని బాయ్స్​హాస్టల్​లో ఫుడ్​పాయిజన్​కారణంగా పదుల సంఖ్యలో స్టూడెంట్స్​హాస్పిటల్​ పాలయ్యారు. వారిలో కొందరి పరిస్థితి సీరియస్​గా మారి ప్రాణాపాయ స్థితికి చేరుకున్నారు. చివరకు అందులో ఒక స్టూడెంట్​చనిపోయాడు. 

భువనగిరిలో బాలికల హాస్టల్​లో ఇద్దరు పదో తరగతిచదువుతున్న బాలికలు ఆత్మహత్య చేసుకున్నారు. ఈ సంఘటన స్టేట్​ లెవల్లో సంచలనంగా మారింది. విచారణ నిర్వహించినా చివరకు కేసు మూసేశారు. పైన పేర్కొన్న రెండు ఘటనలు హాస్టళ్లలో స్టూడెంట్స్​ భద్రత, ఆరోగ్యంపై స్టాఫ్​ ఏ పాటి శ్రద్ధ చూపిస్తున్నారో అర్థమవుతుంది