యూత్ ఓట్లే కీలకం .. గెలుపోటములను డిసైడ్ చేసేది వీళ్లే

48.70 శాతం మంది ఓటర్లు 39 ఏండ్ల లోపు వారే
యువత, నిరుద్యోగులను తమ వైపు తిప్పుకునేందుకు పార్టీల ఎత్తుగడలు

కామారెడ్డి, వెలుగు: ఓటర్ల నమోదుకు ప్రత్యేక డ్రైవ్లు నిర్వహిస్తుండడంతో యూత్ఓట్ల సంఖ్య మరింత పెరుగనుంది. ఈ నేపథ్యంలో వచ్చే అసెంబ్లీ ఎన్నికల్లో యూత్ఓట్లు కీలకం కానున్నాయి. యువత ఎటువైపు నిలుస్తారనే చర్చ నడుస్తోంది. ఇప్పటికే యూత్ఓట్లపై పార్టీలు స్పెషల్ ఫోకస్ పెట్టాయి. ప్రభుత్వ ఉద్యోగాలను భర్తీ చేయడం లేదని, ఏండ్ల నిరీక్షణ తర్వాత నోటిఫికేషన్లు వేసినా పేపర్ల లీకేజీలతో ప్రభుత్వం నిరుద్యోగుల జీవితాలతో ఆడుకుంటోందని ప్రతిపక్షాలు పెద్దఎత్తున ఆందోళన చేశాయి.

టీచర్ఉద్యోగాల కోసం నిరుద్యోగులు ధర్నాలు చేస్తుండగా, కాంగ్రెస్, బీజేపీలు సపోర్ట్ చేస్తున్నాయి. మరోవైపు అధికార బీఆర్ఎస్ గతంలో ఏ ప్రభుత్వం భర్తీ చేయని విధంగా ఒకేసారి అధికమొత్తంలో పోస్టులు భర్తీ చేస్తున్నామని ప్రచారం చేసుకుంటోంది. దీనికి తోడు ఉమ్మడి జిల్లాలోని నియోజకవర్గ కేంద్రాల్లో జాబ్మేళాలు నిర్వహిస్తూ యువతను తమవైపు తిప్పుకునే ప్రయత్నాలు చేస్తోంది. బీఆర్ఎస్, బీజేపీ, కాంగ్రెస్పార్టీలు గ్రామాల్లోని యువజన సంఘాలపై ఫోకస్ చేస్తున్నాయి. క్రికెట్కిట్లు, ఇతర క్రీడ సామగ్రి అందజేస్తూ ఆకర్షించే ప్రయత్నాలు చేస్తున్నాయి.

ఎన్నికల హామీలపై..

గత ఎన్నికలకు ముందు అధికార పార్టీ ఇచ్చిన హామీల్లో కీలకమైన నిరుద్యోగ భృతి, ఉద్యోగాల భర్తీకి నోటిఫికేషన్ల అంశంపై ప్రతిపక్ష బీజేపీ, కాంగ్రెస్ ప్రశ్నిస్తున్నాయి. పేపర్లీకేజీ వ్యవహారాలపై సైతం ఆయా పార్టీలు పెద్ద ఎత్తున ఉద్యమించాయి.

ఓటరు నమోదుకు ప్రత్యేక కార్యక్రమాలు

ఎన్నికల సంఘం ఇటీవల నియోజకవర్గాల వారీగా ఓటర్ల లిస్ట్ రిలీజ్ చేసింది. మరోసారి కొత్తగా నమోదుతో పాటు, మార్పులు, చేర్పులకు అవకాశం కల్పించింది. అక్టోబర్లో ఫైనల్ లిస్ట్ రిలీజ్ కానుంది. 2023, అక్టోబర్ 1 నాటికి18 ఏండ్లు నిండే వాళ్లు ఓటరుగా నమోదు చేసుకోవాలని కోరుతుంది. ఇందుకోసం ఈ నెల 26,27 తేదీల్లో స్పెషల్ డ్రైవ్నిర్వహించారు. ప్రతీ పోలింగ్ సెంటర్వద్ద బూత్లెవల్ ఆఫీసర్ను అందుబాటులో ఉంచారు. కొత్తగా ఓటరు ఎంట్రీతో పాటు, మార్పులు, చేర్పుల అప్లికేషన్లు స్వీకరించారు. మరోసారి సెప్టెంబర్2,3 తేదీల్లోనూ స్పెషల్ డ్రైవ్ చేపట్టనున్నారు. ఈ నెల 26,27 తేదీల్లో నిర్వహించిన డ్రైవ్లో కామారెడ్డి జిల్లాలో 2,730, నిజామాబాద్జిల్లాలో 5,932 మంది కొత్తగా అప్లయ్చేసుకున్నారు. కామారెడ్డి నియోజకవర్గంలో 1,460, జుక్కల్లో 846, ఎల్లారెడ్డిలో 424, బాన్సువాడలో 1,118, ఆర్మూర్లో 914, బోధన్లో 853, నిజామాబాద్అర్బన్లో 750, నిజామాబాద్ రూరల్లో 1,328, బాల్కొండలో 969 అప్లికేషన్లు వచ్చాయి.

ఉమ్మడి జిల్లాలో ఇలా...

ఉమ్మడి నిజామాబాద్ జిల్లాలో 9 అసెంబ్లీ నియోజకవర్గాలు ఉండగా మొత్తం 19,61,733 ఓటర్లు ఉన్నారు. వీరిలో మహిళా ఓటర్లు 10,24,428 మంది కాగా, 9,37,246 మంది పురుష ఓటర్లు ఉన్నారు. వీరిలో 39 ఏండ్ల లోపు వారే 9 లక్షల 60 వేల మంది (48.70%) ఉన్నారు. ప్రస్తుతం మళ్లీ 18 నిండిన వారి నుంచి ఓటరు నమోదుకు తాజాగా అప్లికేషన్లు స్వీకరిస్తున్నారు. సెప్టెంబర్2,3 తేదీల్లో స్పెషల్ డ్రైవ్కార్యక్రమాలు జరగనున్నాయి. ఉమ్మడి జిల్లాలో 18-19 ఏండ్ల వారు 29,600, 29 ఏండ్ల లోపు 3,76,844, 39 ఏండ్ల లోపు 5,43,561 మంది ఉన్నారు.