వన్డే ప్రపంచకప్ 2023లో భాగంగా న్యూజిలాండ్‌తో జరుగుతున్న మ్యాచ్‌లో బంగ్లాదేశ్ బ్యాటర్లు మరోసారి విఫలమయ్యారు. కివీస్ బౌలర్ల ధాటికి బెంబేలెత్తిపోయిన బంగ్లా బ్యాటర్లు.. న్యూజిలాండ్ ముందు 246 పరుగుల లక్ష్యాన్ని నిర్ధేశించారు. ఆ మాత్రం స్కోరైనా చేశారంటే.. అది ముష్ఫికర్ రహీం చలువే. ఈ వెటరన్ బ్యాటర్ 66 పరుగులతో రాణించి జట్టుకు గౌరవప్రదమైన స్కోర్ అందించాడు.
ఈ మ్యాచ్‌లో టాస్ ఓడి బ్యాటింగ్‌కు దిగిన బంగ్లాదేశ్ నిర్ణీత 50 ఓవర్లలో 9 వికెట్ల నష్టానికి 245 పరుగులు చేసింది. ముష్ఫికర్ రహీం (66) హాఫ్ సెంచరీ చేయగా.. ఆ జట్టు కెప్టెన్ షకీబ్ ఉల్ హసన్ (40), మహ్మదుల్లా(41) పరుగులతో పర్వాలేదనిపించారు. న్యూజిలాండ్ బౌలర్లలో లాఖీ పెర్గుసన్ 3 వికెట్లు తీసుకోగా.. ట్రెంట్ బోల్ట్, మ్యాట్ హెన్రీ చెరో 2 వికెట్ల చొప్పున.. గ్లెన్ ఫిలిప్స్, మిచెల్ స్యాంట్నర్ చెరో వికెట్ తీసుకున్నారు.
ICC Men's Cricket World Cup 2023
— Bangladesh Cricket (@BCBtigers) October 13, 2023
Bangladesh ? New Zealand?
New Zealand need 246 Runs to Win
Photo Credit: ICC/Getty#BCB | #NZvBAN | #CWC23 pic.twitter.com/hTHokNF9je
