టి20 ప్రపంచ కప్‌లో భాగంగా సోమవారం(జూన్ 17) పపువా న్యూ గినియా, న్యూజిలాండ్ జట్లు తలపడుతున్నాయి. ఈ మ్యాచ్‌లో టాస్ గెలిచిన కివీస్ సారథి విలియమ్సన్ బౌలింగ్ ఎంచుకున్నాడు. కివీస్ జట్టు ఒక్క మార్పు చేసింది. జేమ్స్ నీష‌మ్ స్థానంలో పేస‌ర్ టిమ్ సౌథీ జ‌ట్టులోకి వ‌చ్చాడు. మ‌రోవైపు, గినియా జట్టు రెండు మార్పుల‌తో బరిలోకి దిగుతోంది.
రాత్రి 8 గంటల సమయానికి ఆట ప్రారంభం కావాల్సివుండగా.. వర్షం కారణంగా ఆలస్యమయ్యింది. గంట సమయాన్ని కోల్పోయినప్పటికీ.. అంపైర్లు ఓవర్లలో ఎలాంటి కోత విధించలేదు. కాగా, కివీస్ స్పీడ్ గన్ ట్రెంట్ బౌల్ట్‌కు ఇది చివరి టీ20 ప్రపంచ కప్ మ్యాచ్. అతను ఇప్పటికే తన రిటైర్మెంట్ నిర్ణయాన్ని టీమ్ మేనేజ్మెంట్‌కు తెలియజేశాడు.
తుది జట్లు
న్యూజిలాండ్: ఫిన్ అలెన్, డెవాన్ కాన్వే(వికెట్ కీప‌ర్), ర‌చిన్ ర‌వీంద్ర, కేన్ విలియమ్సన్(కెప్టెన్), డారిల్ మిచెల్, గ్లెన్ ఫిలిఫ్స్, మిచెల్ శాంట్నర్, ఇష్ సోధీ, టిమ్ సౌథీ, లాకీ ఫెర్గూస‌న్, ట్రెంట్ బౌల్ట్.
పపువా న్యూ గినియా: టోనీ ఉరా, అస్సాద్ వ‌లా(కెప్టెన్), చార్లెస్ అమిని, సెసె బౌ, హిరి హిరి, చాడ్ సోప‌ర్, కిప్లిన్ డొరిగ(వికెట్ కీప‌ర్), నొర్మ‌న్ వ‌నౌ, అలే న‌వో, క‌బువ మొరియా, సెమో క‌మీయ.
