షెరాజ్ మెహాదీ హీరోగా, దర్శకుడిగా రూపొందించిన చిత్రం ‘ఓ అందాల రాక్షసి’. నేహా దేశ్ పాండే, విహాన్షి హెగ్డే, కృతి వర్మ హీరోయిన్స్‌‌గా నటించారు. సురీందర్ కౌర్ నిర్మించారు. మార్చి 21న సినిమా రిలీజ్ కానుంది. ఈ సందర్భంగా నిర్వహించిన ప్రీ రిలీజ్ ఈవెంట్‌‌లో షెరాజ్ మెహదీ మాట్లాడుతూ ‘ఇది థియేటర్లోకి రానంతవరకే చిన్న సినిమా.
ఒకసారి మా సినిమా థియేటర్లోకి వచ్చాక దాని రేంజ్ ఏంటో ఆడియెన్స్‌‌కి తెలుస్తుంది. ఈ ప్రయాణంలో నాకు సపోర్ట్ చేసిన ప్రతి ఒక్కరికీ థ్యాంక్స్’ అని చెప్పాడు. ఈ చిత్రంలో కీలక పాత్ర పోషించిన తమ్మారెడ్డి భరద్వాజ మాట్లాడుతూ ‘ఉమెన్ సెంట్రిక్‌‌గా సాగే ఈ కథ అందరికీ నచ్చుతుంది. ఇలాంటి చిత్రాలను సక్సెస్ చేయాలని కోరుకుంటున్నా’ అని అన్నారు. మంచి మెసేజ్ ఇచ్చే చిత్రం ఇదని రైటర్ భాష్యశ్రీ చెప్పాడు.
